“నువ్వు నాకు నచ్చావు” ఛాన్స్ మిస్ చేసుకున్న నటులు వీళ్లే!

వెంకటేష్ కెరీర్ లోని బ్లాక్ బస్టర్ హిట్ సినిమాలలో నువ్వు నాకు నచ్చావ్ సినిమా కూడా ఒకటి. ఫ్యామిలీ హీరోగా వెంకటేష్ కు ఉన్న మంచి పేరుకు ఖతర్నాక్ కామెడీ తోడు కావడంతో నువ్వు నాకు నచ్చావ్ వెంకటేష్ కెరీర్ లోనే బిగ్గెస్ట్ బ్లాక్ బస్టర్ హిట్ మూవీ గా నిలిచింది. ఇప్పటికీ ఈ సినిమా టీవీలో ప్రసారం అయితే ఈ సినిమాకు మంచి రేటింగ్స్ వస్తాయి. అయితే “నువ్వు నాకు నచ్చావ్” ఛాన్స్ మిస్ చేసుకున్న నటుల గురించి ఇప్పుడు తెలుసుకుందాం.

నువ్వు నాకు నచ్చావు సినిమాను మొదట తరుణ్ తో చేయాలని అనుకున్న వెయిట్ ఉన్న సబ్జెక్టు కావడంతో రవికిషోర్ పెద్ద హీరో చేస్తే బాగుంటుందని సూచించారు. వెంకటేష్ దగ్గరకు వెళ్లి త్రివిక్రమ్, విజయభాస్కర్ కథ చెప్పగా ఒకే సిట్టింగ్ లో వెంకటేష్ కథకు గ్రీన్ సిగ్నల్ ఇచ్చారు. కథ రాసుకున్న సమయంలో సినిమాలో బ్రహ్మానందం పాత్ర లేదు. అయితే వెంకటేష్ సూచనల వల్ల ఆ పాత్రను యాడ్ చేశారు.

మొదట ఈ సినిమాలో హీరోయిన్లుగా త్రిష, గజాల పేర్లను మేకర్స్ ప్రకటించారు. అయితే ఫ్రెష్ నెస్ ఉండాలని ఉద్దేశంతో ఆర్తి అగర్వాల్ ను ఎంపిక చేశారు. ఆ విధంగా నువ్వు నాకు నచ్చావు సినిమాలో నటించే అవకాశాన్ని త్రిష, గజాల మిస్ చేసుకున్నారు.

ఆ సినిమాలో నటించి ఉంటే త్రిష, గజాల కెరీర్ కు ఆ మూవీ కచ్చితంగా ప్లస్ అయ్యి ఉండేదని చెప్పవచ్చు. హీరోయిన్ తండ్రి పాత్రకు మొదట నాజర్ పేరును పరిశీలించగా చివరకు ప్రకాష్ రాజ్ ఎంపికయ్యారు.

 

Read also: లైగర్ తరహాలో IMDB రేటింగ్ తక్కువ సాధించిన సినిమాల వివరాలు !