Advertisement
మెగాస్టార్ చిరంజీవి హీరోగా నటించిన తాజా చిత్రం “గాడ్ ఫాదర్“. “లూసిఫర్” కి రీమేక్ గా వస్తున్న ఈ చిత్రంలో చిరు రాజకీయ నాయకుడి పాత్రలో కనిపించనున్నాడు. ఈ చిత్రం ఇప్పటికే తెలుగులో డబ్ అయినప్పటికీ పలుమార్పులు చేసి, ఈ చిత్రాన్ని తెలుగులో ప్రేక్షకులకు మళ్లీ అందిస్తున్నారు. ఈ నేపథ్యంలో చిత్ర బృందం ప్రమోషన్స్ కూడా మొదలు పెట్టింది. అయితే, చిరంజీవి గత సినిమా ఆచార్య ఆశించిన స్థాయిలో సక్సెస్ ను సొంతం చేసుకోకపోయినా గాడ్ ఫాదర్ సినిమాతో చిరంజీవి సక్సెస్ ను సొంతం చేసుకుంటారని ఫ్యాన్స్ భావిస్తున్నారు.
Advertisement
సెన్సార్ సభ్యులు సైతం చిరంజీవి ఫ్యాన్స్ కోరుకునే అన్ని అంశాలు ఈ సినిమాలో ఉన్నాయని ఫ్యాన్స్ చెబుతున్నారు. సల్మాన్ ఖాన్, నయనతార, సత్యదేవ్ పాత్రలు ఈ సినిమాకు హైలెట్ గా నిలిచాయని సమాచారం. చిరంజీవి, సల్మాన్ కాంబో సీన్లు బాగున్నాయని బోగట్ట. ఈ సినిమాకు సెన్సార్ బోర్డు నుంచి యు/ఏ సర్టిఫికెట్ వచ్చింది. సినిమా అద్భుతంగా ఉందని సెన్సార్ సభ్యులు చిత్ర యూనిట్ కు చెప్పినట్టు బోగట్ట.
Advertisement
తెలుగు, హిందీ భాషల్లో అక్టోబర్ 5వ తేదీన ఈ సినిమా థియేటర్లలో రిలీజ్ కానుంది. తమన్ బ్యాగ్రౌండ్ మ్యూజిక్ ఈ సినిమాకు ప్లస్ అయిందని తెలుస్తోంది. గాడ్ ఫాదర్ దసరా సమయంలో సినిమా చూడాలనుకునే ప్రేక్షకులకు ఫస్ట్ ఛాయిస్ గా నిలవనుంది. ఒకే రోజున గాడ్ ఫాదర్, ది గోస్ట్ సినిమాలు థియేటర్లలో రిలీజ్ కానుండగా గాడ్ ఫాదర్ సినిమా కోసమే ఎక్కువ మంది ప్రేక్షకులు ఎదురుచూస్తున్నారు. మోహన్ రాజా ఈ సినిమాతో చిరంజీవి నమ్మకాన్ని కచ్చితంగా నిలబెట్టుకుంటారని ఫ్యాన్స్ భావిస్తున్నారు. సెన్సార్ టాక్ పాజిటివ్ గా ఉండటంతో పాటు చిరంజీవి ప్రమోషన్స్ లో వేగం పెంచడంతో ఈ సినిమాపై అంచనాలు మరింత పెరిగాయి.
Read also : రైల్వే స్టేషన్ కి వచ్చినా… రైల్వే ఇంజిన్ ను ఎందుకు ఆపివేయరు.?
