అనస్వర రాజన్ ‘నేరు’ సినిమాలో తన నటనతో ఆకట్టుకున్న ఈ అమ్మాయి ఎవరో తెలుసా..?

సాధారణంగా సినీ ఇండస్ట్రీలో ఎప్పుడు ఎవ్వరూ రాణిస్తారో అస్సలు ఊహించలేము. ఇండస్ట్రీకి ఎంతో మంది వస్తుంటారు. పోతుంటారు. కానీ అందులో కొంత మంది మాత్రమే సక్సెస్ సాధిస్తుంటారు. ముఖ్యంగా కొంత మంది హీరోయిన్స్ గురించి అయితే కచ్చితంగా తెలుసుకోవాల్సిందే. మన తెలుగులో అయితే కమర్షియల్ సినిమాల్లో మాత్రమే నటించేందుకు ఇష్టపడుతుంటారు హీరోయిన్స్. ఉదాహరణకు శ్రీలీలను చూసినట్టయితే.. ఒక్క సినిమా హిట్ అయింది అంతే..  ఏ సినిమా పడితే ఆ సినిమాను ఒప్పుకొని ఇప్పుడు తెలుగు సినిమా ఇండస్ట్రీ నుంచి మాయమైపోయే పరిస్థితికి వచ్చింది.

అయితే మలయాళ సినీ ఇండస్ట్రీలో కూడా శ్రీలీల మాదిరిగానే మంచి టాలెంట్ ఉన్న ఓ అమ్మాయి ఉంది. ఆమె పేరు అనస్వర రాజన్. ఆమె మలయాళీ అమ్మాయి అయినప్పటికీ 21 ఏళ్లలో హీరోయిన్ అయింది. పిచ్చి పిచ్చి సినిమాలను అస్సలు ఎంచుకోవడం లేదు. మంచి కథలు స్కోప్ ఉన్న పాత్రలను సెలెక్ట్ చేసుకుంటుంది. ఇక ఈమె అందంలో అభినయంలో ఏ మాత్రం తీసిపోదు. ఇంటర్ చదివే అమ్మాయిలా కనిపిస్తుంది. కానీ మోహన్ లాల్ కి సైతం ధీటుగా నటించి తన నటన అంటే ఏంటో అందరికీ చూపించింది. 2018లో సినీ ఇండస్ట్రీకి ఎంట్రీ ఇచ్చింది అనస్వర రాజన్.

ఇప్పటి వరకు కేవలం 16 సినిమాల్లో నటించి ఆమె సత్తా ఏంటో నిరూపించింది. ప్రస్తుతం తన గాలి వీస్తుంది కదా అని ఏ పాత్ర పడితే ఆ పాత్ర చేస్తే ఆమె కూడా మరో శ్రీలీల అయి ఉండేది. ముఖ్యంగా మలయాళంలో నటించే హీరో, హీరోయిన్స్ ఎవ్వరైనా డబ్బు, కమర్షియల్ అనే హంగులకు పోకుండా మంచి స్కోప్ ఉన్న పాత్రలను చేసేందుకు ఇష్టపడుతుంటారు. అందుకే మలయాళ సినిమాల్లో మంచి పాత్రలు వస్తాయి. మోహన్ లాల్, అనస్వర రాజన్ కలిసి నటించిన సినిమా నెరు. ప్రస్తుతం ఈ మూవీ ఓటీటీలో స్ట్రీమింగ్ అవుతోంది.