జబర్దస్త్‌, శ్రీదేవి డ్రామా కంపెనీలో చేసే అన్నపూర్ణమ్మ పారితోషికం ఎంతో తెలుసా?

టాలీవుడ్ లో బుల్లితెర మీద ప్రసారమయ్యే కామెడీ షోలలో ది బెస్ట్ అనగానే టక్కున గుర్తొచ్చేది జబర్దస్త్. గత కొన్ని సంవత్సరాలుగా ఎంతోమంది నవ్విస్తూ, ఎంతోమందికి జీవితాన్నిచ్చిన ఈ జబర్దస్త్ టాలీవుడ్ లో అన్ని కామెడీ షోలకంటే ఎక్కువ ప్రజాదరణ పొందింది. ప్రతి గురు, శుక్ర వారాలలో 9:30కు ప్రసారమయ్యే జబర్దస్త్ కామెడీ షోలో ఎంతోమంది కమెడియన్లు తమ కామెడీ ద్వారా ప్రజలను కడుపుబ్బ నవ్విస్తున్నారు.

అంతేకాకుండా ఈ షోకి జడ్జిగా వ్యవహరిస్తున్న , సింగర్ మనో, ఆమని, పూర్ణ కూడా కమెడియన్ల మీద పంచులు వేస్తూ, ఎంటర్టైన్ చేస్తున్నారు. ఈ షోకు యాంకర్లుగా వ్యవహరిస్తున్న , రష్మీ కూడా తమ అందచందాలతో, డ్యాన్సులతో అభిమానుల్ని ఆకట్టుకుంటున్నారు. ఇటీవల ఈటీవీలో ఆదివారం ప్రసారమయ్యే శ్రీదేవి డ్రామా కంపెనీ కామెడీ షో కూడా మంచి ప్రజాదరణ పొందింది. జబర్దస్త్ కు ఏ మాత్రం తీసుకోకుండా శ్రీదేవి డ్రామా కంపెనీ కామెడీ షో కూడా ప్రజలను బాగా ఎంటర్టైన్ చేస్తోందని ప్రజలు అభిప్రాయం వ్యక్తం చేస్తున్నారు.

 

ఇదిలా ఉండగా సీనియర్ నటి అన్నపూర్ణమ్మ వయసు మీద పడుతున్న కూడా చాలా యాక్టివ్గా తనమీద పంచులు వేయించుకుంటూ, ఎదుటి వారి మీద పంచులు వేస్తూ శ్రీదేవి డ్రామా కంపెనీ మరియు జబర్దస్త్ షోలను రక్తి కట్టిస్తున్న విషయం తెలిసిందే. ఇక జబర్దస్త్ మరియు శ్రీదేవి డ్రామా కంపెనీల్లో కనిపించినందుకు గాను అన్నపూర్ణమ్మకు భారీగానే పారితోషికం ను మల్లెమాల వారు ఇస్తున్నారట.

విశ్వసనీయంగా అందుతున్న సమాచారం ప్రకారం ఒక్కో కాల్ షీట్ కు రెండున్నర లక్షల వరకు ఇస్తారట. ఇది చాలామంది ప్రముఖ కమెడియన్స్ కంటే ఎక్కువ అనేది ఇండస్ట్రీ వర్గాల టాక్. ప్రస్తుతం శ్రీదేవి డ్రామా కంపెనీ మరియు జబర్దస్త్ లో ఆమె జోరు కొనసాగుతోంది.  భారీ ఎత్తున ఆమె పారితోషికం దక్కించుకుంటున్నా కూడా ఆమె వర్క్ కామెడీని పండిస్తుందంటూ అభిప్రాయం వ్యక్తం అవుతోంది.

READ ALSO : తెలంగాణ లో కోమటి రెడ్డి సత్తా ఎంతో ప్రియాంక ఒక అంచనాకి వచ్చారా ?