బాలయ్య షోలో ప్రభాస్ పెళ్లి టాపిక్..

బాలయ్య క్రేజీ కాంబినేషన్ లో వచ్చిన అన్ స్టాపబుల్ టాక్ షో ఇప్పుడు దేశంలోనే నంబర్ వన్ టాక్ షో గా పేరు తెచ్చుకుంది. ఈ షోకు ఇప్పటికే పలువురు స్టార్లు వచ్చి అందరిని ఉత్సాహపరిచారు. ఇక తాజాగా బాలయ్య క్రేజీ షోకు యంగ్ రెబల్ స్టార్ ప్రభాస్, తన స్నేహితుడు గోపీచంద్ తో కలిసి పాల్గొన్నారు. డిసెంబర్ 11న వీరికి సంబంధించిన ఎపిసోడ్ షూటింగ్ జరగగా, తాజాగా ప్రభాస్, గోపీచంద్ ఫొటోస్ రిలీజ్ చేసింది ఆహా. అందులో డార్లింగ్ సరికొత్త లుక్ లో కనిపిస్తున్నారు.

ఇది ఇలా ఉంటే, ఇక బాహుబలి ఫ్యాన్స్ అంతా ఈ ఎపిసోడ్ కోసం ఆసక్తిగా ఎదురుచూస్తున్నారు. ఈ షోలో పలు ప్రశ్నలకు ప్రభాస్ నుంచి ఆసక్తికర సమాధానాలు వచ్చినట్లు తెలుస్తోంది. అంతేకాదు, ఈ షో వేదికగానే తన పెళ్లిపై కూడా ప్రభాస్ క్లారిటీ ఇచ్చారని సమాచారం. తన షోకు వచ్చిన యంగ్ సెలబ్రిటీ లందరినీ తికమక పెట్టి మరి సమాధానాలు రాబడుతున్న బాలయ్య, ప్రభాస్ ను పెళ్లి విషయంలో కూడా అలాగే తికమక పెట్టారట.

తికమక పెట్టడమే కాదు. త్వరగా పెళ్లి చేసుకోవాలని క్లాస్ కూడా పీకారట. ఇక ఆ క్రమంలోనే తన పెళ్లి గురించి ఓ గుడ్ న్యూస్ చెప్పారట ఈ హీరో. అటు తనపై వస్తున్న డేటింగ్ రూమర్స్ కు కూడా ప్రభాస్ స్పందిస్తారని తెలుస్తోంది. దానికి తోడు షోలో ఓ గేమ్ లో భాగంగా రామ్ చరణ్ కు ఫోన్ చేసి మాట్లాడతారు ప్రభాస్. అలా మాట్లాడే క్రమంలో ప్రభాస్ త్వరలో ఓ గుడ్ న్యూస్ చెబుతారని చెర్రీ బాలయ్యతో అంటారట. ఇక ఇది కూడా మన బాహుబలి హీరో పెళ్లి గురించే అయ్యుంటుందని ఇండస్ట్రీలో టాక్.

 

READ ALSO : రాజకుటుంబం నుంచి వచ్చిన 10 మంది హీరోయిన్స్