చంద్రమోహన్ కూతురు కూడా తెలుగు ఇండస్ట్రీలో పెద్ద హీరోయిన్.. ఎవరంటే..?

సీనియర్ విలక్షణ నటుడు చంద్రమోహన్ గురించి తెలుగు ఇండస్ట్రీలో తెలియని వారుండరు. తండ్రి పాత్రలు చేయడంలో తనకు తానే సాటి అని నిరూపించుకున్నారు. చంద్రమోహన్ ఒకప్పుడు ఇండస్ట్రీలో పెద్ద హీరో గా చలామణి అయ్యారు. ఆయనతో చేసిన హీరోయిన్లు ప్రస్తుతం ఇండస్ట్రీలో పెద్ద హోదాలో ఉన్నారు. అలనాడు ఇండస్ట్రీలో చక్రం తిప్పిన మహానటి శ్రీదేవి మొదటి సినిమా కూడా చంద్రమోహన్ తో నటించింది. మొన్నటి వరకు ఆయన డేట్స్ కోసం నిర్మాతలు దర్శకులు క్యూ కట్టేవారు. ఆయన కొన్ని వ్యక్తిగత కారణాల వల్ల సినిమాలకు తాత్కాలిక విరామం తీసుకున్నారు.

ఇదంతా పక్కన పెడితే ఆయనకు సంబంధించి కొన్ని ఆసక్తికరమైన విషయాలు సోషల్ మీడియాలో వైరల్ గా మారాయి. అవి ఏంటో తెలిస్తే మీరు ఆశ్చర్యపోతారు..? చంద్రమోహన్ ఫ్యామిలీ నుంచి ఒక అమ్మాయి ఒక సినిమాలో హీరోయిన్ గా నటించి పెద్ద స్టార్ అయింది. ఆమె చంద్రమోహన్ సొంత తమ్ముడు కూతురు. దర్శకుడు కె.విశ్వనాథ్ దర్శకత్వంలో సప్తపది అనే మూవీలో హీరోయిన్ గా చేసి మెప్పించింది. ఈమె పేరు సబిత. అప్పట్లో ఈ చిత్రం బాక్సాఫీస్ వద్ద సంచలన విజయాన్ని అందుకుంది. ఈ సినిమా తర్వాత ఆమెకు అనేక ఆఫర్లు క్యూ కట్టాయి. కానీ వాటిని సబితా సున్నితంగా తిరస్కరించి, ఆ తర్వాత వివాహం చేసుకుందట. ఈమె ప్రస్తుతం సాఫ్ట్ వేర్ కంపెనీలో పని చేస్తోంది. క్లాసికల్ డ్యాన్సర్ అయిన సబిత, ఒక ఈవెంట్ లో డాన్స్ చేస్తుండగా ఈ ఈవెంట్ కు ముఖ్య అతిధిగా కె.విశ్వనాథ్ వచ్చారట.

నాట్యం చూసిన కె విశ్వనాథ్ కు ఎంతగానో ఆకట్టుకుందట. అప్పటికే ఆయన తీయబోయే సప్తపది మూవీ కోసం హీరోయిన్ అన్వేషణలో ఉన్నారని, సబిత నచ్చడంతో వెంటనే ఆ అమ్మాయి వద్దకు వెళ్లి నా సినిమాలో హీరోయిన్ పాత్ర చేస్తావా అని అడిగారట. దీంతో అమ్మాయి ఏం సమాధానం ఇవ్వాలో తెలియక తలదించుకుని వెళ్లిపోయిందట. తర్వాత చంద్రమోహన్ ఆ అమ్మాయి ఇంటికి వెళ్లి సప్తపది మూవీ చేసేలా ఒప్పించారు. ఈ విధంగా చంద్ర మోహన్ కుటుంబం నుంచి ఈ అమ్మాయి ఇండస్ట్రీలోకి వచ్చి ఒక్క సినిమాతోనే సంచలనం సృష్టించింది.