Ads
అంతర్జాతీయ క్రికెట్ కి అంబటి రాయుడు అనే పేరు పెద్దగా పరిచయం లేదు. కానీ తెలుగు వారికి మాత్రం పరిచయమే. ఆంధ్రప్రదేశ్ లోని గుంటూరు జిల్లాకి చెందిన రాయుడు అంతర్జాతీయ స్థాయికి ఎదిగిన తీరు అమోఘమనే చెప్పాలి. ఐపీఎల్ లో దేశవాలి క్రికెట్ లో రాణించి భారత క్రికెట్ జట్టులో స్థానం సంపాదించాడు. ప్రధానంగా రాయుడు ఐపీఎల్ ప్రారంభంలో ముంబై ఇండియన్స్ జట్టుకి ఆడాడు. ఆ సమయంల అందరి దృష్టిలో పడ్డాడు. ఆ తరువాత కూడా అతని కెరీర్ సాఫీగానే సాగిపోయింది. ఇలాంటి దశలో 2019 ప్రపంచ కప్ లో శిఖర్ ధావన్ ప్లేస్ లో ఫామ్ లో ఉన్న రాయుడుని ఎంపిక చేయకపోవడంతో మనస్థాపానికి గురయ్యాడు.
అంతర్జాతీయ క్రికెట్ కి రిటైర్ మెంట్ ప్రకటించి అందరినీ ఆశ్చర్యపరిచాడు రాయుడు. ఇక ఆ తరువాత తన రిటైర్ మెంట్ ని వెనక్కి తీసుకొని ఐపీఎల్ కొనసాగించినప్పటికీ.. ఈ సీజన్ లో జరిగిన ఐపీఎల్ ఫైనల్ మ్యాచ్ నే నా చివరి మ్యాచ్ అని ప్రకటించేశాడు. దీంతో రాయుడు ఫామ్ లో లేడు అందుకే ఐపీఎల్ కి గుడ్ బై చెప్పాడని భావించారు అందరూ. కానీ దీని వెనుక మరో కారణం ఉందని పలు అనుమానాలు వ్యక్తమవుతున్నాయి. ప్రస్తుతం 37 ఏళ్ల వయస్సు ఉన్నటువంటి అంబటి రాయుడు.. ఐపీఎల్ లో కొనసాగే అవకాశం ఉన్నప్పటికీ.. ఇలాంటి సంచలన నిర్ణయం తీసుకోవడానికి రాజకీయాల మీద ఆసక్తి అని తెలుస్తోంది.
Advertisement
ముఖ్యంగా చిన్నప్పటి నుంచి బాగా చదివి సివిల్ సర్వీసెస్ తో ప్రజలకు సేవ చేయాలని భావించినప్పటికీ క్రికెట్ లోకి ఎంట్రీ ఇవ్వడంతో అతని కల నేరవేర్చుకోలేకపోయాడు. రాజకీయాల్లోకి వస్తే ప్రజలకు ప్రత్యక్షంగా సేవలు చేసే అవకాశం లభిస్తుందని అందుకే రాజకీయాల్లోకి ఎంట్రీ ఇవ్వనున్నట్టు ఇటీవలే అంబటి రాయుడు వ్యాఖ్యానించాడు. రాయుడు ఏపీ రాజకీయాలపై ఆసక్తి చూపిస్తున్నట్టు తెలుస్తోంది. ఇటీవలే ఏపీ సీఎంని కలిసిన విషయం తెలిసిందే. అదేవిధంగా అప్పుడప్పుడూ ఏపీ సీఎం పై పొగడ్తల వర్షం కురిపిస్తున్నాడు. అంబటి కి పాలిటిక్స్ ఇంట్రెస్ట్ ఉందని తెలిసి పలు కీలక పార్టీలు ఆహ్వానం పలికినట్టు సమాచారం. 2024 ఎన్నికల్లో ఏపీ రాజకీయాల్లో కీలకంగా వ్యవహరించనున్నట్టు తెలుస్తోంది. ఇందుకోసమే ఏపీ సీఎం నుంచి ఏమైనా హామీ రావడం వల్లనే ఐపీఎల్ కి రిటైర్ మెంట్ ప్రకటించాడనే కామెంట్స్ వినిపిస్తున్నాయి.
మరికొన్ని ముఖ్య వార్తలు :
పేరేంట్స్ తో ప్రాణహాని ఉందని ఎస్పీకి ఫిర్యాదు.. అసలు ఏం జరిగిందంటే ?
ప్రామిసరీ నోట్ రాస్తున్నారా.. అయితే ఇవి ఫాలో కాకపోతే ఆ నోట్ చెల్లదు..!!
YS. జగన్ రాజకీయ ప్రస్థానంలో మీరు ఎప్పుడూ చూడని రేర్ ఫొటోస్..!!
