తమ్ముడు సినిమాలో నటించిన ఈ కమెడియన్.. ఇప్పుడు ఏం చేస్తున్నాడో తెలుసా ?

పవర్ స్టార్ పవన్ కళ్యాణ్ నటించిన సినిమాల్లో తమ్ముడు సినిమా బ్లాక్ బస్టర్ హిట్ అయింది. ఇప్పటికీ ఈ మూవీ టీవీలో వస్తే మంచి టీఆర్పీ రేటింగ్స్ వస్తుంటాయి. అప్పట్లోనే ఈ మూవీ దాదాపు రూ.13 కోట్ల షేర్ వసూలు చేసిందట. పవన్ ఈ సినిమాలో తన నట విశ్వరూపం చూపించాడనే చెప్పవచ్చు. ఈ సినిమా ప్రారంభం నుంచి ముగింపు వరకు పవన్ మనల్ని నవ్విస్తాడు.. ఏడిపిస్తాడు.. ఆవేశం రప్పిస్తాడు.  

అప్పట్లో ఈ మూవీ యూత్ కి తెగ నచ్చేసింది. ఈ సినిమాలోని కామెడీ ట్రాక్ కి ఇప్పటికీ కూడా సఫరేట్ ఫ్యాన్స్ ఉన్నారు. సోషల్ మీడియాలో మీమ్స్ లో ఈ కామెడీ ట్రాక్ లకు సంబంధించిన ఫొటోలను తెగ వాడుతుంటడం విశేషం. ఇందులో హీరో ఫ్రెండ్స్ క్యారెక్టర్లలో జుమాంజి అనే పేరు మీకు గుర్తుండే ఉంటుంది. ముఖం కప్పేసేవిధంగా జుట్టుతో.. లావుగా ఉండే ఆ క్యారెక్టర్ సినిమా ప్రారంభం నుంచి ఎండింగ్ వరకు ప్రేక్షకులను కడుపుబ్బా నవ్విస్తూనే ఉంటుంది. ఆ పాత్రలో కనిపించిన నటుడి పేరు మాత్రం చాలా మందికి తెలియదు. అతని పేరు శివ. కేవలం ఆయన ఒక్క సినిమాలో మాత్రమే నటించారు. 

తమ్ముడు మూవీ తరువాత మరే సినిమాలో కూడా నటించలేదు. ఇందుకు కారణమేంటంటే.. తమ్ముడు సినిమా దర్శకుడు పి.అరుణ్ ప్రసాద్ కి శివ ఫ్రెండ్. దీంతో సినిమాలో  క్యారెక్టర్ చేయమని శివను అడిగాడట. దీంతో ఫ్రెండ్ మాట కాదనలేక శివ తమ్ముడు సినిమాలో జుమాంజి పాత్రను చేశాడట. ఆ తరువాత ఆయన పై చదువుల కోసం అమెరికా వెళ్లిపోయాడు. అక్కడే ఎం.ఎస్ చదివి పూర్తయిన తరువాత ఓ ప్రముఖ కంపెనీలో ఉద్యోగంలో చేరారు. నాలుగేళ్ల కిందట సొంతంగా ఓ సాప్ట్ వేర్ కంపెనీని ప్రారంభించారు. ఆ కంపెనీ దిగ్విజయంగా నడుస్తోంది. ప్రస్తుతం ఇతని ఫొటోలు మాత్రం సోషల్ మీడియాలో లేవు.. కానీ కమెడీయన్ అలీ ఓ ఇంటర్వ్యూలో ఇతని గురించి చెప్పాడు. 

మరికొన్ని ముఖ్యమైన వార్తలు : 

అంబటి రాయుడు తెలుగు విని ఆశ్ఛర్యపోయిన హీరో నాని..!

పక్కింటి వాళ్లు తిట్టినా.. భర్త పట్టించుకోలేదని భార్య ఏం చేసిందో తెలుసా ?

 ఐదేళ్ల పాటు ప్రేమించి..పెళ్లి పత్రిక కూడా రాయించుకొని.. చివరికీ ఏం జరిగిందంటే ?