'సాహోరే బాహుబలి' ఈ పాటలో ఇక్కడ కనిపించిన ఈ అమ్మాయిని గుర్తుపట్టారా ?

టాలీవుడ్ దర్శక ధీరుడిగా పేరు గడించిన ఎస్ఎస్ రాజమౌళి దర్శకత్వంలో వచ్చిన బాహుబలి చిత్రం ఎంతటి ఘన విజయాన్ని సాధించిందో అందరికీ తెలిసిందే. రెండు పార్ట్ లుగా తెరకెక్కిన ఈ చిత్రం బాక్స్ ఆఫీస్ వద్ద వసూళ్ల వర్షాన్ని కురిపించింది. సాధారణంగా ఏ సినిమాలో అయినా ఒకటి, రెండు పాత్రలు కీలకంగా ఉంటాయి.

అందుకోసం నటీ నటుల వేషం, భాష, నడవడిక అన్ని మార్చుకొని పాత్రలో పరకాయ ప్రవేశం చేస్తారు. అలా కష్టపడిన వారికి గుర్తింపు రావడం సహజం. అయితే రాజమౌళి సృష్టించిన బాహుబలి లో ఒకటి కాదు, రెండు కాదు అనేక పాత్రలు కీలకంగా మారాయి.

ప్రతి ఒక్కరికి ప్రత్యేకమైన స్థానం ఇచ్చారు జక్కన్న. అందుకే ఆ క్యారెక్టర్స్ మంచి గుర్తింపును పొందాయి. ఇక ఈ చిత్రానికి దర్శకుడు రాజమౌళి భార్య, కొడుకుతోపాటు ఫాదర్, కజిన్స్ ఇలా అందరూ ఫ్యామిలీ మెంబర్స్, సన్నిహితులంతా సినిమాలలో వర్క్ చేస్తారనే సంగతి తెలిసిందే. ముఖ్యంగా రమా రాజమౌళి, ఎంఎం కీరవాణి, విజయేంద్ర ప్రసాద్ మొదటి నుండి రాజమౌళితో ట్రావెల్ అవుతున్నారు. ఆ తర్వాత రాజమౌళి జర్నీలో కార్తికేయ.. కూతురు మయూఖ ఆడ్ అయ్యారు. రాజమౌళి కూతురు మయూఖ కూడా సినిమాలో నటించిందని ఎవరికైనా తెలుసా..?రాజమౌళి, రమ దంపతులకు మయూఖ దత్త పుత్రిక అని తెలుస్తోంది.

చత్రపతి సినిమా షూటింగ్ సమయంలో రాజమౌళి చిన్న పాపగా ఉన్న మయూఖని దత్తత తీసుకున్నారని సమాచారం. అయితే ఇంట్లో తన తల్లి తర్వాత రాజమౌళి కూతురికే ఎక్కువగా భయపడుతారట. ఆయనకు కూతురు అంటే అంత ప్రేమ. అయితే మయూఖ కూడా ఇప్పటికే పలు సినిమాలలో మెరిసింది. రాజమౌళి రూపొందించిన విక్రమార్కుడు మూవీలో ” కాలేజ్ పాపల బస్సు” అనే పాటలో ఫ్రూటీ తాగి ఆ ప్యాకెట్ విసిరేసిన పాపనే మయూఖ. అంతేకాదు రాజమౌళి బాహుబలి 2 చిత్రంలో కూడా మయూఖ నటించింది. ఈ చిత్రంలోని “సాహోరే బాహుబలి” పాటలో రావణకాష్టం తర్వాత ప్రభాస్ పై అందరూ పూలవర్షం కురిపిస్తారు. ఆ పిల్లలలో మయూకని మీరు గమనించవచ్చు.