Advertisement
Unstoppable 2 Pawan Kalyan episode: టాలీవుడ్ సినీ ఇండస్ట్రీలో పవర్ స్టార్ పవన్ కళ్యాణ్ కి ఉండే క్రేజ్ గురించి ప్రత్యేకంగా చెప్పాల్సిన అవసరం లేదు. అయితే పవన్ కళ్యాణ్ మొట్టమొదటిసారిగా “ఆన్ స్టాపబుల్ విత్ ఎన్.బి.కె” టాక్ షో ద్వారా మన ముందుకి రాబోతున్న విషయం అందరికీ తెలిసిందే. ఈ ఎపిసోడ్ కి సంబంధించిన షూటింగ్ మంగళవారం హైదరాబాదులోని అన్నపూర్ణ స్టూడియోస్ లో జరిగింది. దీంతో గత రెండు రోజులుగా సోషల్ మీడియా మరియు మెయిన్ స్ట్రీమ్ మీడియాలో కూడా హైప్ బాగా పెరిగిపోయింది. బిగ్గెస్ట్ అండ్ క్రేజీ ఎపిసోడ్ గా ఈ షూట్ జరిగింది. ఎన్నడూ లేని విధంగా ఈ షో నిర్వాహకులు అల్లు అరవింద్ మీడియా ముందుకి వచ్చి పవన్ కళ్యాణ్ లాంటి బిగ్గెస్ట్ స్టార్ మా షో కి రావడం చాలా ఆనందంగా ఉందంటూ చెప్పుకొచ్చారు.
Advertisement
Read also: మీ కళ్ళకు అద్భుతమైన పరీక్ష.. ఈ ఫోటోలో చిరుత దాగిఉంది ఎక్కడో గుర్తించండి..?
Advertisement
ఇక అన్నపూర్ణ స్టూడియో వద్దకు వచ్చిన పవన్ కళ్యాణ్ కారు నుండి దిగగానే బాలకృష్ణ ఎదురొచ్చి మరి హత్తుకుని గ్రాండ్ గా లోపలికి తీసుకువెళ్లారు. ఈ వీడియో సోషల్ మీడియాలో వైరల్ గా మారింది. ఇక ఈ ఎపిసోడ్ లో పవన్ కళ్యాణ్ తో పాటుగా త్రివిక్రమ్ శ్రీనివాస్ మరియు డైరెక్టర్ క్రిష్ కూడా పాల్గొన్నారు. ఈ నేపథ్యంలోనే అందరూ అనుకున్న విధంగానే బాలయ్య పవన్ కళ్యాణ్ మూడు పెళ్లిళ్లపై ప్రశ్నలు వేశారు. బాలయ్య మాట్లాడుతూ.. ” ఈ పెళ్లిళ్ల గోల ఏంటయ్యా ” అని పవన్ కళ్యాణ్ ని అడుగుతారు. ఈ ప్రశ్నపై స్పందించిన పవన్ కళ్యాణ్ హేటర్స్ కి బుద్ధి వచ్చే విధంగా గట్టిగా సమాధానం చెప్పినట్లు తెలుస్తుంది.
తాను ఎందుకు మూడు పెళ్లిళ్లు చేసుకోవాల్సి వచ్చిందో పవన్ కళ్యాణ్ చాలా వివరంగా చెప్తారు. ఇదంతా విన్న తర్వాత బాలయ్య మాట్లాడుతూ.. ” ఇంత వివరంగా చెప్పిన తర్వాత కూడా ఈ మ్యాటర్ మీద విమర్శించే వాళ్ళు ఊర కుక్క తో సమానం” అంటూ బాలయ్య బాబు చెప్తారు. ఇటువంటి వ్యాఖ్యలు చేసినప్పుడు వారి కుటుంబం గురించి ఒక్కసారి గుర్తు చేసుకోవాలని బాలయ్య అనడంతో స్టేజి మొత్తం బాలయ్య బాబు నినాదాలతో మార్మోగిపోయినట్టు తెలుస్తుంది. ఇక ఎప్పుడెప్పుడు ఈ ఎపిసోడ్ స్ట్రీమ్ అవుతుందా? అని అభిమానులు ఎదురుచూస్తున్నారు.
Read also: చైనా దేశస్థులు ఎందుకు క్రికెట్ ఆడరు ? దేని వెనకున్న కారణం ఏంటి ?
