ఉల్లి ధరల నియంత్రణకు కేంద్ర ప్రభుత్వం కీలక నిర్ణయం

దేశంలో పెరుగుతున్న ఉల్లిపాయల ధరలను నియంత్రించడానికి కేంద్ర ప్రభుత్వం కీలక నిర్ణయం  తీసుకుంది. ఇప్పటికే సేకరించిన బఫర్ స్టాక్ ని మార్కెట్ లోకి విడుదల చేయాలని నిర్ణయించింది. తాజాగా ఈ మేరకు ఓ ప్రకటన కూడా జారీ చేసింది. ఈ ఆర్థిక సంవత్సరానికి గాను 3లక్షల మెట్రిక్ టన్నుల ఉల్లిపాయలను కేంద్రం బఫర్ స్టాక్ గా గోదాముల్లో భద్రపరిచింది. యేటా మార్కెట్ లోకి సరఫరా తగ్గి.. ధరలు పెరిగిన సందర్భాల్లో కేంద్రం ఆ బఫర్ స్టాక్ ని విడుదల చేస్తుంటుంది. 

దేశంలోని పలు రాష్ట్రాల్లోని ముఖ్యమైన మార్కెట్లకు ఉల్లి నిల్వలను పంపించాలని నిర్ణయించాం. ఈ ఏడాదిలోనే అత్యధిక ధరలు నమోదు అయిన దేశంలోని సగటు ఉల్లి రేటు కంటే ఎక్కువగా ఉన్న.. గత నెలతో పోల్చితే ధరలు పెరిగిన ప్రాంతాలకు వాటిని సరఫరా చేస్తాం. ఈ వేలం, ఈ కామర్స్ ప్లాట్ ఫామ్ లలో రిటైల్ విక్రయ మార్గాల ద్వారా ఉల్లిని సరఫరా చేస్తామని ఆహార మంత్రిత్వశాఖ శుక్రవారం రోజు ఓ ప్రకటన విడుదల చేసింది. రాష్ట్రాలు ప్రజా పంపిణీ కోసం కోరితే తగ్గింపు ధరతో వాటిని సరఫరా చేస్తామని అందులో వెల్లడించింది. 

మరికొన్ని ముఖ్యమైన వార్తలు

 ఆస్తి కోసం పక్కా ప్లాన్ తో వదిన కుటుంబం అంతటినీ.. మరిది ఎంత పని చేసాడంటే..?

ప్రేమించి పెద్దలను ఒప్పించి పెళ్లి చేసుకున్నారు.. ఆఖరికి..?