"లవ్ టుడే" సినిమాలో తన నటనతో ఆకట్టుకున్న "ఇవానా షాజీ " బ్యాక్ గ్రౌండ్ ఏంటంటే ?

ఇవానా షాజీ.. ప్రస్తుతం సోషల్ మీడియాలో ట్రెండింగ్ లో ఉన్న పేరు ఇది. ఈ బ్యూటీ కి దాసోహమైన ఫ్యాన్స్ ఈమె కోసం సోషల్ మీడియాలో తెగ సర్చ్ చేస్తున్నారు. ఈమె డీటెయిల్స్ కోసం రీసెర్చ్ కూడా చేస్తున్నారు. లవ్ టుడే సినిమా ద్వారా తెలుగు ప్రేక్షకులను ఆకట్టుకున్న ఈ మలయాళీ బ్యూటీ.. 2000 సంవత్సరంలో కేరళలో జన్మించింది. 2012లో మాస్టర్స్ మలయాళం చిత్రంతో బాలనాటిగా పరిచయం అయింది. ఆ తరువాత రాణి పద్మిని, అనురాగ ఖైర్కిన్ వెళ్లాం బాలనాటిగానే నటించింది. తమిళ్ చిత్రం నచ్చియార్ తో హీరోయిన్ గా పరిచయం అయింది ఈ ముద్దుగుమ్మ.

ఇక తాజాగా డైరెక్టర్ ప్రదీప్ రంగనాథ్ దర్శకత్వం వహించిన లవ్ టుడే సినిమాలో ఇవానా తన అందం, అభినయంతో తెలుగు ప్రేక్షకుల మనసు దోచుకుంది. లవ్ టుడే చిత్రం ఎంత పెద్ద హిట్ అయిందో ప్రత్యేకంగా చెప్పనక్కర్లేదు. తమిళంలో విడుదలై భారీ విజయాన్ని అందుకున్న ఈ మూవీ ఆ తర్వాత తెలుగులోను సూపర్ హిట్ అయింది. ఈ చిత్రంలో నిఖిత పాత్రలో ఇవానా నటన అద్భుతం. తన నటనతో నవ్వించింది, ఏడిపించింది. లవ్ టుడే సినిమా ద్వారా ఓవర్ నైట్ లో పాపులర్ అయిన ఇవానా సోషల్ మీడియాలో కూడా చాలా యాక్టివ్ గా ఉంటుంది.

తన అందమైన ఫోటోలు, వీడియోలు షేర్ చేస్తూ అప్పుడప్పుడు తన వ్యక్తిగత విషయాల గురించి కూడా అభిమానులతో పంచుకుంటుంది. ఇవానా అసలు పేరు అలీనా షాజీ. అయితే ఓ సినిమా కోసం ఈమె పేరు మార్చారట. దాంతో ఇవానా నేమ్ కంటిన్యూ అవుతుంది. ప్రస్తుతం ఇవానాకి తమిళ్, మలయాళం లో రెండు సినిమాలు సెట్స్ పై ఉన్నాయి. తెలుగులోనూ డిస్కషన్ జరుగుతున్నట్లు సమాచారం. మలయాళీ ఇండస్ట్రీకి చెందిన ఈ అమ్మడు తెలుగు, తమిళ్ ఇండస్ట్రీలో తన సత్తా చాటుకోవడానికి ప్రయత్నాలు చేస్తోంది.