పెళ్లి విషయంలో మంచు మనోజ్ ఆ స్టార్ హీరోయిన్ ని ఫాలో అయ్యాడా?

మంచు మనోజ్ రెండో పెళ్లి వేడుక ఫిల్మ్ నగర్ లోని మంచు నిలయంలో ఘనంగా జరిగింది. భూమా మౌనిక రెడ్డిని పెళ్లాడారు మంచు మనోజ్. ప్రస్తుతం ఈ వేడుకకు సంబంధించిన ఫోటోస్ నెట్టింట వైరల్ అవుతున్నాయి. మార్చి మూడవ తేదీన జరిగిన ఈ పెళ్లి వేడుకతో మంచు మనోజ్, భూమా మౌనిక రెడ్డి కొత్త జీవితాన్ని ప్రారంభించారు. ఇద్దరూ కూడా తమ తమ జీవితంలో రెండోసారి ఏడడుగులు వేసి నూతన అధ్యాయానికి శ్రీకారం చుట్టారు. అటు మనోజ్, ఇటు మౌనిక ఇద్దరిదీ కూడా రెండో వివాహమే కావడం విశేషం.

దీంతో సోషల్ మీడియాలో మనోజ్, మౌనికల రెండో పెళ్లి గురించి విషెస్ తో పాటు కామెంట్స్ కూడా వినిపిస్తున్నాయి. మనోజ్ తన రెండో పెళ్లి విషయంలో, ఇటీవల పెళ్లి చేసుకున్న ఓ స్టార్ హీరోయిన్ ని ఫాలో అయ్యాడేమో అంటున్నారు. ఇంతకీ మనోజ్ ఫాలో అయ్యాడు అంటున్న హీరోయిన్ ఎవరో తెలుసా హన్సిక. ఇటీవల సోహెల్ కాతూరియాని ప్రేమించి పెళ్లి చేసుకున్న సంగతి తెలిసిందే. వీరి పెళ్లి గ్రాండ్ గా జరిగింది. అయితే హన్సిక కి, మనోజ్ కి లింక్ ఏంటి అనంటే,

హన్సిక కూడా 2016లో సోహెల్ కాతూరియా మొదటి పెళ్లికి గెస్ట్ గా వెళ్ళింది. ఆ పెళ్లికూతురు కూడా హన్సిక బెస్ట్ ఫ్రెండ్ కావడం గమనార్హం. కొన్నాళ్ళకు సోహెల్ మొదటి భార్యతో విడిపోయాక అతడిని ప్రేమించి పెళ్లాడింది హన్సిక. అదే విధంగా మనోజ్ 2015లో భూమా మౌనిక పెళ్లికి గెస్ట్ గా వెళ్లాడు. కట్ చేస్తే, అదే మౌనిక భర్తతో విడిపోయాక ప్రేమించి ఇప్పుడు పెళ్లి చేసుకున్నాడు. ఆ విధంగా హన్సికని మనోజ్ ఫాలో అయ్యాడని నెటిజన్స్ అభిప్రాయం.