Advertisement
Manchu Vishnu, Manoj, Controversy: టాలీవుడ్ లో మంచు ఫ్యామిలీకి ఉన్న గుర్తింపు గురించి ప్రత్యేకంగా చెప్పనక్కర్లేదు. నటుడిగా మోహన్ బాబు ఎన్నో హిట్ సినిమాలలో నటించారు. ఇక ఆయన తనయులుగా ఇండస్ట్రీ లోకి అడుగుపెట్టిన మంచు విష్ణు, మనోజ్ లు హీరోలుగా తమకంటూ గుర్తింపుని తెచ్చుకున్నారు. అయితే గత కొంతకాలంగా మంచు ఫ్యామిలీలో గొడవలు జరుగుతున్నాయంటూ నిత్యం వార్తలు వస్తూనే ఉన్నాయి. ఈ నేపథ్యంలోనే ఇటీవల ఓ వీడియో సోషల్ మీడియాలో వైరల్ అయింది. మంచు విష్ణు, మనోజ్ వద్ద పనిచేసే వ్యక్తి ఇంటికి వెళ్లి గొడవ చేస్తున్నట్టు ఆ వీడియోలో కనిపిస్తుంది. ఆ వీడియోలో మనోజ్.. ” ఇలా ఇళ్ళ మీదకు వచ్చి అందరి పైన దాడి చేస్తాడు” అని వాయిస్ వినిపిస్తోంది.
Advertisement
Advertisement
ఆ వీడియోను సోషల్ మీడియాలో కూడా షేర్ చేశారు. కానీ మళ్ళీ కాసేపటికి డిలీట్ చేశారు. అప్పటికే ఆ వీడియో సోషల్ మీడియాలో వైరల్ గా మారింది. దీంతో ఎవరికి వారు ఈ ఫైట్ గురించి కథనాలు రాశారు. మంచు ఫ్యామిలీతో సన్నిహితంగా మెలిగే వ్యక్తులు సైతం అన్నదమ్ముల మధ్య చాలా రోజులుగా ఆస్తి గొడవలు ఉన్నాయని ఫిక్స్ చేశారు. ఈ ఫైట్ ఎపిసోడ్ ని మోహన్ బాబు కూడా రక్తి కట్టించారు. పిల్లలు తన మాట వినడం లేదంటూ స్టేట్మెంట్ ఇవ్వడంతో పాటు మనోజ్ కి ఫోన్ చేసి వీడియోను డిలీట్ చేయించారు. కానీ రీసెంట్ గా మంచు మనోజ్, విష్ణు అందరికీ షాక్ ఇస్తూ సరికొత్త టీజర్ ని రిలీజ్ చేశారు. ఆ గొడవ అంతా రియాలిటీ షోలో భాగంగానే జరిగిందని.. మా మధ్య ఎలాంటి గొడవలు లేవు అంటూ చెప్పే ప్రయత్నం చేశారు.
సారధి అనే వ్యక్తిపై మంచు విష్ణు దాడి చేసిన విజువల్స్, మా బంధువుల ఇళ్లల్లోకి ఇలా వచ్చి కొడుతుంటాడని మనోజ్ వాయిస్ ఓవర్ తో ” హౌస్ ఆఫ్ మంచుస్” టీజర్ మొదలైంది. ఇదే వార్తపై మీడియా కవరేజ్ ని చూపిస్తూ.. “నా పేరు విష్ణు మంచు. మోహన్ బాబు గారి అబ్బాయిని” అంటూ పరిచయం చేసుకున్నారు. ఆ తర్వాత మోహన్ బాబు పూజ చేస్తున్న విజువల్స్ తో పాటు ఫ్యామిలీ మెంబర్స్ అందరూ ఇందులో కనిపించారు. చివరకు ” హౌస్ ఆఫ్ మంచూస్” అనే అండ్ టైటిల్ తో ఈ టీజర్ ముగిసింది. మొత్తానికి ఆ గొడవలన్నింటినీ సైడ్ చేస్తూ.. ఈ ఒక్క వీడియోతో అందరిని బకరా చేశారు విష్ణు.
Read also: ఎన్టీఆర్, చిరంజీవి లాగే త్రిపాత్రాభినయం చేసిన 9 మంది తెలుగు హీరోలు !
