Sitaramam Movie: సీతారామం సినిమాను మిస్ చేసుకున్న టాలీవుడ్ స్టార్ ఎవరో తెలుసా..?

మనకు రాసిపెట్టి ఉన్నది ఏదైనా సరే మనం వద్దనుకున్నా మన వెంటే వస్తుంది.. ఇక సినిమాల విషయానికొస్తే కొన్ని కథలు విన్న తర్వాత కొంతమంది హీరోలు రిజెక్ట్ చెబుతారు. కానీ ఆ దర్శకుడు అదే కథతో వేరే హీరోతో సినిమా తీసి బ్లాక్ బస్టర్ హిట్ కొట్టిన తర్వాత అయ్యో ఆ సినిమా మిస్సయ్యనే, చేసి ఉంటే బాగుండు అనుకుంటారు.

ఈ విధంగా నాని కూడా ఒక బ్లాక్ బస్టర్ సినిమా చేతులారా మిస్ చేసుకున్నారు.. అదేంటంటే తాజాగా బాక్సాఫీస్ వద్ద భారీ హిట్ కొట్టిన సీతారామం.. అసలు విషయానికి వస్తే నాని జెర్సీ సినిమా చేస్తున్న రోజులవి. ఆ టైమ్ లోనే హను రాఘవపూడి ఈ కథను రాసుకున్నారు. ముందుగా దీన్ని నానికి వినిపించాడట..

దీనికి నాని కూడా ఓకే చెప్పారు.. ఇది నేనే చేస్తాను అని హామీ కూడా ఇచ్చారట.. కానీ ఇంతలోనే హాను రాఘవపూడి దర్శకత్వంలో వచ్చిన కొన్ని సినిమాలు ఫ్లాప్ లు వచ్చాయి. అప్పటికే జెర్సీ లాంటి శారీరక శ్రమతో కూడిన టువంటి మూవీ చేసిన నాచురల్ స్టార్, హను రాఘవపూడి దర్శకత్వంలో మిలిటరీ గెటప్ కోసం మేక్ఓవర్ ఇవ్వలేకపోయారని చెప్పవచ్చు. మరోసారి శరీరానికి శ్రమ పెట్టడం ఇష్టం లేక, ఇంకోవైపు హను రాఘవపూడికి ప్లాపులు రావడం చూసిన నాని ఈ సినిమాను నేను చేయలేను అని చెప్పేశాడు. ఈ సమయంలోనే రంగంలోకి దిగిన స్వప్న దత్, నాగ్ అశ్విన్ కథ గురించి తెలుసుకొని అందులో కొన్ని మార్పులు, చేర్పులు చేయించుకొని హను రాఘవపూడినీ తమ కాంపౌండ్ లోకి లాగేసుకున్నారు.

ఇక నటీనటుల ఎంపికలో స్వప్న దత్ దగ్గరుండి చూసుకున్నారట. ఈ విధంగా దుల్కర్ సల్మాన్ హీరోగా పెట్టి సినిమా పూర్తి చేశారు. సినిమా రిలీజ్ అయిన మొదటి రోజే సూపర్ హిట్ టాక్ ను అందుకుంది.. ఓవర్సీస్ లో మిలియన్ డాలర్ల క్లబ్ లో కూడా ఎంటర్ అవుతుందట.. అయితే ఈ క్రమంలో నాని సినిమాను మిస్ చేసుకున్నానని చాలా నిరాశ చెందారని తెలుస్తోంది.. ఒకవేళ నాని సినిమా చేసి ఉంటే రిజల్ట్ మరో లెవల్లో ఉండేదని అంటున్నారు ఆయన అభిమానులు.