విడుదలకు ముందే పుష్ప 2 అరుదైన రికార్డు..!

ఐకాన్ స్టార్ అల్లు అర్జున్ నటించిన పుష్ప మూవీ ప్రపంచ వ్యాప్తంగా ఎంతో మంది అభిమానులను సంపాదించుకున్న విషయం తెలిసిందే. ఈ మూవీతో పాన్ ఇండియా స్టార్ ఇమేజ్ సొంతం చేసుకున్నారు అల్లు అర్జున్. ఈ సినిమాలో ఊర మాస్ లుక్ లో బన్నీ స్టైల్.. డైలాగ్స్ యాక్టింగ్ చూసి ఆడియన్స్ ఫిదా అయ్యారు. 2021 డిసెంబర్ 17న విడుదలైన పుష్ప మూవీ బన్నీ కెరీర్ లోనే భారీ విజయాన్ని సాధించింది. ప్రస్తుతం ఈ సినిమా సీక్వెల్ పుష్ప 2 చిత్రీకరణలో బిజీగా ఉన్నారు అల్లు అర్జున్. పుష్ప 2 మూవీ తరువాత ఆయన మాటల మాంత్రికుడు త్రివిక్రమ్ దర్శకత్వంలో మరో ప్రాజెక్ట్ చేయనున్నారు. ఇందుకు సంబంధించిన అఫిషియల్ అనౌన్స్ మెంట్ వచ్చిన విషయం తెలిసిందే.

ఇదిలా ఉండగా.. పుష్ప 2 సినిమా షూటింగ్ చాలా స్లోగా సాగుతోంది. షూటింగ్ జరుపుకుంటున్న ఈ మూవీ తాజాగా ఓ సరికొత్త రికార్డును క్రియేట్ చేసింది. ఈ సినిమా పోస్టర్ కి తాజాగా ఇన్ స్టా గ్రామ్ లో దాదాపు 7 మిలియన్ల (70 లక్షలు) లైక్స్ వచ్చాయి. భారతీయ సినిమాలో ఇప్పటివరకు ఏ సినిమా పోస్టర్ కి కూడా ఇన్ని లైక్స్ రాలేదు. ఈ విషయాన్ని తెలియజేస్తూ.. సంతోషం వ్యక్తం చేశారు మూవీ మేకర్స్. దర్శకుడు సుకుమార్ ఈ సినిమాకి సంబంధించిన యాక్షన్ సన్నివేశాలపై చాలా జాగ్రత్తలు తీసుకుంటున్నట్టు తెలుస్తోంది. అల్లు అర్జున్ అభిమానులను ఏ మాత్రం నిరాశపరచకుండా అందుకు తగ్గట్టుగా ఈ చిత్రాన్ని తెరకెక్కించనున్నారు సుకుమార్. కాస్త సమయం ఎక్కువ తీసుకొని అయినా మంచి అవుట్ పుట్ సాధించే ప్రయత్నం చేస్తున్నారు. సోషల్ మీడియాలో ప్రస్తుతం వైరల్ అవుతున్న పుష్ప 2 మూవీ ఫస్ట్ లుక్ పోస్టర్ ఈ ఏడాది ఏప్రిల్ 07న విడుదలైంది.

Related posts:

About anji