భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!

టాలీవుడ్ లో ఓ నటుడు, లేదా నటి అన్ని సినిమాలలో ఒకే పాత్ర చేయలేరు. ఒక సినిమాలో హీరోగా చేసిన వాళ్లు మరో సినిమాలో ఏ పాత్ర అయినా చేసే అవకాశం ఉంది. ఒక సినిమాలో హీరో పక్కన హీరోయిన్ గా చేసినవారు మరో సినిమాలో హీరో తల్లిగా, లేదా చెల్లిగా నటించే అవకాశం ఉంటుంది. అబ్బా.. ఈ సినిమా అయితే ఆ హీరోకి అదిరిపోతుంది. అబ్బా ఈ క్యారెక్టర్ అయితే ఆ హీరోయిన్ కి భలే సెట్ అవుతుంది అని అనుకుంటూ ఉంటారు. అలాంటి పాత్రల విషయంలో అభిమానులు అభ్యంతరం చెప్పినా నటీనటులు మాత్రం వారి నటనతో మెప్పిస్తారు. సరిగ్గా ఇలానే ఒక సినిమాలో తల్లిదండ్రులుగా చేసిన నటీనటులు మరో సినిమాలో అత్త, మామలుగా చేయవచ్చు. అందుకే గతంలో ఓ సినిమాలో జంటగా లేదా భార్యాభర్తలుగా చేసిన నటీనటులు మరో సినిమాలో అన్నా చెల్లెలుగా చేసిన సందర్భాలు ఉన్నాయి. అలా ఓ సినిమాలో భార్యాభర్తలుగా.. మరో సినిమాలో బ్రదర్, సిస్టర్ గా చేసిన జంటలు ఎవరెవరో తెలుసుకుందాం.

# ఎన్టీఆర్-సావిత్రి

ఈ జంట చాలా సినిమాల్లో హీరో హీరోయిన్లుగా చేశారు. అయితే రక్తసంబంధం సినిమాలో మాత్రం అన్నా చెల్లెలుగా చేశారు.

# చిరంజీవి-రమ్యకృష్ణ

చక్రవర్తి సినిమాలో చిరుకి చెల్లిగా చేసిన రమ్యకృష్ణ అల్లుడా మజాకా, ముగ్గురు మొనగాళ్లు వంటి సినిమాలో చిరుకి జోడిగా చేసింది.

# కృష్ణ-సౌందర్య

నెంబర్ 1 తో సహా పలు సినిమాల్లో హీరో హీరోయిన్లుగా చేసిన ఈ జంట రవన్న సినిమాలో అన్నా చెల్లెలుగా చేశారు.

# రాజేంద్ర ప్రసాద్-రంభ

ఆ ఒక్కటి అడక్కు సినిమాలో హీరో, హీరోయిన్లుగా నటించారు. వీళ్లే చిరంజీవి నటించిన హిట్లర్ సినిమాలో అన్న, చెల్లెలు గా నటించారు.

# రమ్యకృష్ణ-నాజర్

బాహుబలి లో వీళ్లు భార్యాభర్తలుగా చేశారు. అయితే అంతకు ముందు రజినీకాంత్ నటించిన నరసింహ సినిమాలో అన్నా చెల్లెలుగా కనిపించారు.

# ప్రకాష్ రాజ్-జయసుధ

బొమ్మరిల్లు, కొత్త బంగారులోకం, మహర్షి ఇలా చాలా సినిమాల్లో భార్యాభర్తలుగా చేసిన ఈ జంట, సోలో సినిమాలో మాత్రం అక్క తమ్ముడు గా కనిపించారు.

 

# సురేష్-సౌందర్య

అమ్మోరు సినిమాలో జంటగా నటించారు. అయితే వెంకటేష్ నటించిన దేవి పుత్రుడు సినిమాలో అన్నా చెల్లెలుగా కనిపిస్తారు.

# చంద్రమోహన్-సుధా

నువ్వు నాకు నచ్చావు సినిమాలో అన్నా చెల్లెలుగా కనిపించిన ఈ జంట రవితేజ నటించిన కృష్ణ సినిమాలో భార్య భర్తలుగా కనిపిస్తారు.

# జగపతిబాబు-వాణి విశ్వనాథ్

సింహ స్వప్నం సినిమాలో జోడిగా నటించారు. అయితే బోయపాటి శ్రీను దర్శకత్వంలో వచ్చిన జయ జానకి నాయక సినిమాలో అన్న చెల్లెలుగా కనిపిస్తారు.

# చిరంజీవి-నయనతార

సైరా సినిమాలో భార్య భర్తలుగా కనిపించారు. అయితే లేటెస్ట్ గా వచ్చిన గాడ్ ఫాదర్ లో అన్నా చెల్లెలు గా కనిపిస్తారు.

Read also: ఫ్లాపుల్లో ఉన్న హీరోలకు మంచి కం బ్యాక్ ఇచ్చిన 10 సినిమాలు