యూట్యూబ్ లో రికార్డు సృష్టిస్తోన్న ‘జవాన్’ ట్రైలర్

బాలీవుడ్ బాద్ షా షారూఖ్ ఖాన్ హీరోగా నటించిన లెటెస్ట్ మూవీ జవాన్. ఈ చిత్రాన్ని  తమిళ దర్శకుడు అట్లీ ఏంతో ప్రతిష్టాత్మకంగా తెరకెక్కించాడు.  ఈ సినిమాను తెలుగు , తమిళం, హిందీ భాషలలో సెప్టెంబర్ 7న విడుదల చేసేందుకు   చిత్ర బృందం అన్ని ఏర్పాట్లను  పూర్తి చేసింది చిత్ర యూనిట్.  ఇటీవలే జవాన్ మూవీ ట్రైలర్ ను చిత్ర బృందం విడుదల చేసిన విషయం తెలిసిందే. ఈ ట్రైలర్ అభిమానులను ఎంతగానో ఆకట్టుకుంటోంది.

  ముఖ్యంగా యాక్షన్ సిక్వెన్సెస్ మరియు మాస్ డైలాగ్స్ విపరీతంగా సినిమాపై అంచనాలు పెంచేశాయి. ఇందులో షారుఖ్ ఖాన్ కు జోడీగా నయనతార నటిస్తున్న విషయం తెలిసిందే. ఇక గడిచిన 24 గంటల్లో ఈ ట్రైలర్ ను యూ ట్యూబ్, ట్విట్టర్ ఫేస్ బుక్ వేదికలో 10.2 కోట్ల మందికి పైగా  వీక్షించారు. ఈ విషయాన్నీ అధికారికంగా జవాన్ మూవీ మేకర్స్ తెలియజేసారు. యు ట్యూబ్ లో  ఇది ఓ సంచలనాన్ని సృష్టిస్తూ నెంబర్ వన్ లో ట్రెండ్ అవుతుండటం విశేషం. 

ప్రధానంగా ఈ ట్రైలర్ లో షారూఖ్ డైలాగ్స్.. చిత్రీకరించిన సన్నివేషాలు ప్రేక్షకులను ఆకట్టుకుంటున్నాయి. ఈ మూవీలో షారూఖ్ తో పాటు నయనతార, విజయ్ సేతుపతి, దీపికా పడుకొణె వంటి పాత్రలు కనిపించాయి. యాక్షన్ సీన్స్ అయితే చాలా అద్భుతమనే చెప్పవచ్చు. ఈ ట్రైలర్ ని చూస్తుంటే బాలీవుడ్ బాద్ షా ఖాతాలో మరో హిట్ పడినట్టే కనిపిస్తోంది.