నటుడు రవి ప్రకాష్ సినిమాలలోకి రాకముందు ఏం చేసేవారో తెలుసా..?

సినిమాలో హీరో, హీరోయిన్లకు ఎంత ప్రిఫరెన్స్ ఉంటుందో క్యారెక్టర్ ఆర్టిస్ట్ కు అంతే ప్రాధాన్యం ఉంటుంది. తెలుగు సినిమాలలో క్యారెక్టర్ ఆర్టిస్టులు చాలామంది సందడి చేస్తుంటారు. దీంతో హీరో, హీరోయిన్లతో సమానంగా వీరు గుర్తింపుని తెచ్చుకుంటున్నారు. అలాంటి లిస్టులో క్యారెక్టర్ ఆర్టిస్ట్ రవి ప్రకాష్ కూడా ఒకరు. నెగిటివ్ రోల్స్ మరియు పోలీస్ పాత్రలలో రవి ప్రకాష్ ఎక్కువగా కనిపిస్తారు. అయితే క్యారెక్టర్ ఆర్టిస్టుగా ఎన్నో పాత్రలలో నటించిన రవి ప్రకాష్ డాక్టర్ అవ్వబోయి యాక్టర్ అయ్యారట.

Read also: ఎన్టీఆర్ అంటే తప్పు.. బాలయ్య అంటే తప్పు లేదా? ప్రశ్నిస్తున్న ఎన్టీఆర్ అభిమానులు !

ఇదిలా ఉంటే రవి ప్రకాష్ క్యారెక్టర్ ఆర్టిస్ట్ గా ఇప్పటివరకు దాదాపు 200కు పైగా చిత్రాలలో నటించారు. రవి ప్రకాష్ అసలు పేరు దుగ్గిరాల రవి. మొదట ఉషా కిరణ్ మూవీస్ నిర్మించిన శుభవేళ అనే చిత్రంతో కథానాయకుడు గా తన నట ప్రస్థానాన్ని ప్రారంభించాడు రవి ప్రకాష్. ఆ తర్వాత సహాయ పాత్రల్లో నటించాడు. ముఖ్యంగా రవి ప్రకాష్ ఘర్షణ, అతడు, వేదం, సినిమాలలో పోషించిన పోలీస్ ఆఫీసర్ పాత్రలతో ప్రేక్షకులకు దగ్గరయ్యాడు. అయితే రవి ప్రకాష్ సినిమాలలోకి ఏ విధంగా వచ్చాడు? రవి ప్రకాష్ పర్సనల్ లైఫ్ గురించి కొన్ని విషయాలను ఇప్పుడు తెలుసుకుందాం. రవి ప్రకాష్ స్వస్థలం విజయవాడ. అతని తండ్రి జిల్లా కోర్టులో పనిచేసేవారు. ఆ తర్వాత విశాఖపట్నంలోనే వ్యాపారస్తుడిగా స్థిరపడ్డారు.

రవి ప్రకాష్ ప్రాథమిక విద్య నుంచి పీజీ దాకా విశాఖపట్నంలోనే చదువుకున్నాడు. గతంలో ఓ ఇంటర్వ్యూలో రవి ప్రకాష్ తన రియల్ లైఫ్ గురించి పలు ఆసక్తికర విషయాలను వెల్లడించారు. ఆయన మాస్కోలో ఎంబిబిఎస్ చేశానని వెల్లడించారు. ఆ తర్వాత హైదరాబాద్ లో డాక్టర్ గా ప్రాక్టీస్ చేశారని తెలిపారు. కాగా కుటుంబ సభ్యులు, స్నేహితుల ప్రోత్సాహంతో అనుకోకుండా సినిమాలలోకి వచ్చానని వెల్లడించారు. ఇక శుభవేళ సినిమా తర్వాత క్రిష్ దర్శకత్వంలో తెరకెక్కిన వేదం సినిమాతో నటుడిగా తనకు మంచి గుర్తింపు వచ్చిందని తెలిపారు. ఇక ఇటీవల కొండ పొలం సినిమాలో మంచి పేరు వచ్చింది అన్నారు. భవిష్యత్తులో మంచి సినిమాలతో అందరినీ మెప్పించాలనేదే తన లక్ష్యమన్నారు రవి ప్రకాష్.