సీక్వెల్స్ తో హిట్టు కొట్టలేకపోయిన టాలీవుడ్ హీరోలు !

టాలీవుడ్ కి సీక్వెల్స్ అసలు కలిసి రావు అంటారు. అది చాలా వరకు ప్రూవ్ అయ్యింది కూడా. టాలీవుడ్ లో వచ్చిన అనేక సినిమాల సీక్వెల్స్ అంచనాలను అందుకోలేక బాక్సాఫీస్ దగ్గర ఫ్లాప్స్ గా మిగిలిపోయాయి. కొన్నాళ్లు సీక్వెల్స్ సందడి తగ్గినట్లు అనిపించిన మళ్లీ పుంజుకుంది. ఇటీవల కాలంలో సీక్వెల్ హడావిడి హుషారు ఎత్తిస్తోంది. ఇది ఇలా ఉండగా సీక్వెల్స్ తో హిట్టు కొట్టలేకపోయినా టాలీవుడ్ హీరోల గురించి తెలుసుకుందాం.

#1 ఆర్య : ఆర్య 2

అల్లు అర్జున్ – సుకుమార్ కాంబినేషన్లో వచ్చిన ‘ఆర్య’ చిత్రం ఓ ట్రెండ్ సెట్టర్. 2004లో విడుదలైన ఈ చిత్రం పెద్ద బ్లాక్ బస్టర్ అయ్యింది కూడా! అయితే ‘ఆర్య 2’ మాత్రం నిరాశపరిచింది.

#2 కిక్ : కిక్ 2

రవితేజ – సురేందర్ రెడ్డి కాంబినేషన్లో వచ్చిన మూవీ బ్లాక్ బస్టర్ గా నిలిచింది. అయితే దానికి సీక్వెల్ గా వచ్చిన ‘కిక్ 2’ మాత్రం డిజాస్టర్ గా మిగిలింది.

#3 గబ్బర్ సింగ్ : సర్దార్ గబ్బర్ సింగ్

10 ఏళ్ల పాటు సరైన హిట్టు లేని పవన్ కళ్యాణ్ కు ‘గబ్బర్ సింగ్’ చిత్రం పెద్ద బ్లాక్ బస్టర్ ఇచ్చింది. అయితే దానికి సీక్వెల్ గా వచ్చిన ‘సర్దార్ గబ్బర్ సింగ్’ మాత్రం డిజాస్టర్ గా మిగిలింది.

#4 పోలీస్ స్టోరీ : పోలీస్ స్టోరీ 2

సాయికుమార్ పవర్ఫుల్ పోలీస్ ఆఫీసర్ గా నటించిన ‘పోలీస్ స్టోరీ’ చిత్రం ఓ ట్రెండ్ సెట్టర్. అయితే దానికి సీక్వెల్ గా వచ్చిన ‘పోలీస్ స్టోరీ 2’ మాత్రం ఫ్లాప్ అయింది.

#5 గాయం : గాయం 2

జగపతిబాబు హీరోగా వచ్చిన ‘గాయం’ చిత్రం సూపర్ హిట్ గా నిలిచింది. అయితే కొన్నేళ్ల తర్వాత దానికి సీక్వెల్ గా వచ్చిన ‘గాయం 2’ ఫ్లాప్ అయ్యింది.

#6 చంద్రముఖి : నాగవల్లి

రజనీకాంత్ హీరోగా పి.వాసు డైరెక్షన్ లో తెరకెక్కిన ‘చంద్రముఖి’ చిత్రం సూపర్ హిట్ గా నిలిచింది. అయితే దానికి సీక్వెల్ గా వెంకటేష్ తో ‘నాగవల్లి’ ని తెరకెక్కించాడు పి.వాసు. అయితే ఈ చిత్రం ఆశించిన స్థాయి విజయాన్ని సాధించలేదు.

#7 మన్మధుడు : మన్మధుడు 2

నాగార్జున కెరీర్ లో ‘మన్మధుడు’ చిత్రం ఆల్ టైం హిట్ గా నిలిచింది. అయితే చాలా సంవత్సరాల తరువాత దానికి సీక్వెల్ గా వచ్చిన ‘మన్మధుడు 2’ చిత్రం నిరాశపరిచింది.

Also Read:  టాలీవుడ్ లోకి ఎంట్రీ ఇవ్వబోతున్న నాలుగో తరం వారసులు ఎవరో మీకు తెలుసా..?