"వాల్తేరు వీరయ్య" లో డైలాగ్ అక్కడ నుండి లేపేసారా..? ఇది అస్సలు ఊహించి ఉండరు..

బాబీ దర్శకత్వంలో మెగాస్టార్ చిరంజీవి హీరోగా నటించిన తాజా చిత్రం వాల్తేరు వీరయ్య. ఈ చిత్రంలో చిరంజీవికి జోడిగా శృతిహాసన్ నటించింది. మైత్రి మూవీ మేకర్స్ వారు నిర్మించిన ఈ సినిమాకి దేవిశ్రీప్రసాద్ సంగీతాన్ని అందించారు. అంతేకాకుండా ఈ సినిమాలో రవితేజ ముఖ్యమైన పాత్రలో నటించారు. ఈ సినిమాలో చిరంజీవి ఊర మాస్ లుక్ లో కనిపిస్తున్నారు. ఈ చిత్రం నుండి ఇప్పటికే విడుదలైన ఫస్ట్ లుక్ పోస్టర్, టీజర్, పాటలు ప్రేక్షకులను ఎంతగానో ఆకట్టుకున్నాయి. ఎక్కడ చూసినా బాస్ పార్టీ పాటనే వినిపిస్తోంది. ఈ సినిమాను సంక్రాంతి కానుకగా జనవరి 13న థియేటర్లలో విడుదల చేయబోతున్నారు. ఈ నేపథ్యంలోనే ఈ సినిమా ట్రైలర్ ని కూడా ఇప్పటికే విడుదల చేసిన సంగతి తెలిసిందే.

పూనకాలు లోడింగ్.. పూనకాలు లోడింగ్.. అంటూ దర్శకుడు బాబి చెబుతుంటే ఏంటా? అని అందరూ అనుకున్నారు. కానీ ఈ మూవీ ట్రైలర్ తో టేస్ట్ ఏంటో చూపించారు దర్శకుడు బాబి. ఇక థియేటర్లో పూనకాలు కాదు.. అంతకుమించి ఉండవచ్చు అని చెప్పకనే చెప్పేశారు. మాస్ డైలాగ్స్ తో చిరంజీవి అభిమానులను మెప్పించారు. మెగాస్టార్ మార్క్ యాక్షన్, రొమాన్స్, మాస్ స్టెప్పులు, పవర్ఫుల్ డైలాగ్స్ తో కూడిన సీన్స్ పై కట్ చేసిన ఈ ట్రైలర్ ఆకట్టుకుంటుంది. అంతేకాదు ఈ ట్రైలర్ విడుదలైన క్షణాలలోనే మిలియన్ వ్యూస్ తో యూట్యూబ్ ని షేక్ చేసింది. అయితే మరోవైపు కొంతమంది నెటిజన్లు ఈ ట్రైలర్ పై అప్పుడే ట్రోలింగ్ కూడా మొదలు పెట్టేశారు. ఈ ట్రైలర్ లో చిరు చెప్పిన ఓ డైలాగ్ మరో మెగా హీరో సినిమాలోంచి లేపేసారని ట్రోలింగ్ చేస్తున్నారు.

అది మరే సినిమానో కాదు.. 2017లో గోపీచంద్ మలినేని దర్శకత్వంలో సాయిధరమ్ తేజ్ హీరో గా తెరకెక్కిన విన్నర్. ఈ చిత్రంలో ఓ పోలీస్ క్యారెక్టర్ లో నటించారు 30 ఇయర్స్ ఇండస్ట్రీ పృథ్వీరాజ్. ఈ చిత్రంలో పృధ్విరాజ్ నటించిన పోలీస్ క్యారెక్టర్ పేరు సింగం సుజాత. ఈ చిత్రంలోని ఓ సన్నివేశంలో హీరోయిన్ పోలీస్ స్టేషన్ కి వెళ్ళినప్పుడు సింగం సుజాత ఓ డైలాగ్ చెబుతారు ” రికార్డ్స్ లో నా పేరు ఉండడమేంట్రా.. నా పేరు మీదే రికార్డ్స్ ఉంటాయి. సుజాత.. సింగం సుజాత” అని పవర్ ఫుల్ డైలాగ్ చెబుతారు. ఈ డైలాగ్ ని వాల్తేరు వీరయ్య ట్రైలర్ లో చిరంజీవి చెప్పడంతో ఈ డైలాగ్ ని అక్కడి నుండే లేపేసారని ట్రోలింగ్ చేస్తున్నారు నేటిజన్లు.

Related posts:

About anji