హరీష్ శంకర్ వల్లే “పుష్ప”లో ఆ డైలాగ్ పెట్టారా..?

క్రియేటివ్ డైరెక్టర్ సుకుమార్ దర్శకత్వంలో అల్లు అర్జున్ హీరోగా తెరకెక్కిన చిత్రం పుష్ప. పాన్ ఇండియా మూవీగా తెరకెక్కిన ఈ చిత్రం దేశవ్యాప్తంగా ఎంతటి సంచలన విజయాన్ని అందుకుందో ప్రత్యేకంగా చెప్పనక్కర్లేదు. నార్త్, సౌత్ అనే తేడా లేకుండా విడుదలైన ప్రతి చోటా కలెక్షన్ల వర్షం కురిపించింది. ఈ చిత్రంలో నేషనల్ క్రష్ రష్మిక మందన్న హీరోయిన్ గా నటించింది. ఎర్రచందనం స్మగ్లర్ గా అల్లు అర్జున్ నటనకు ఆడియన్స్ ఫిదా అయ్యారు. విభిన్నమైన కథనంతో తెరకెక్కిన ఈ సినిమా తెలుగు ప్రేక్షకులు అందరినీ మరో లోకంలోకి తీసుకెళ్లిందని చెప్పవచ్చు.

Read also: కమెడియన్ అలీ ఆస్తుల విలువ ఎంతో తెలిస్తే ఆశ్చర్యపోతారు..!!

ఎప్పుడూ లవర్ బాయ్ గా కనిపించే అల్లు అర్జున్ ఈ సినిమాలో మాత్రం తనని తాను కొత్తగా చూపించడంలో విజయం సాధించాడు. ఇక ఈ చిత్రంలో చిత్తూరు యాసలో అల్లు అర్జున్ చెప్పిన డైలాగులు ప్రేక్షకులందరినీ ఫిదా చేశాయనే చెప్పాలి. చిన్నపిల్లలను సైతం ఈ చిత్రంలోని డైలాగులు ఎంతగానో ఆకట్టుకున్నాయి. ముఖ్యంగా ఈ చిత్రంలో అల్లు అర్జున్ చెప్పే.. ” పుష్ప అంటే ఫ్లవర్ అనుకుంటివా..? ఫైర్” డైలాగ్ సూపర్ హిట్ అయింది. అయితే ఈ డైలాగ్ వెనుక ఉన్న స్టోరీని ఇటీవల ఓ ఇంటర్వ్యూలో బయటపెట్టారు అల్లు అర్జున్. ఈ మూవీ షూటింగ్ మొదలుకాకముందు డైరెక్టర్ హరీష్ శంకర్ ని కలిశారట.

అయితే ఈ సినిమా గురించి మాట్లాడుతూ సినిమా టైటిల్ “పుష్ప” అనుకుంటున్నట్లు చెప్పారట. దీంతో హరీష్ శంకర్ “పుష్ప” మరి అమ్మాయి పేరులా ఉందని.. అలాగే చాలా సాఫ్ట్ గా ఉందని చెప్పారట. అంతే కాదు పుష్ప అంటే ఫ్లవర్ అనే మీనింగ్ వస్తుందని కూడా చెప్పారట. అయితే పుష్ప సినిమా విషయంలో పుష్ప అంటే ఫ్లవర్ అనే ఫీలింగ్ రాకుండా ఉండడం కోసం సుకుమార్ గారితో చర్చించగా.. ” పుష్ప అంటే ఫ్లవర్ అనుకుంటివా..? ఫైర్” అనే డైలాగ్ పెట్టారని అల్లు అర్జున్ వివరించారు. ఇక ఈ డైలాగ్ సినిమాలో ప్రేక్షకులను ఎంతగా ఆకట్టుకుందో ప్రత్యేకంగా చెప్పనక్కర్లేదు.

Read also: దృశ్యం సినిమాలో వెంకటేష్ పెద్ద కూతురు ఇప్పుడు ఎలా ఉందో తెలుసా..?