హీరోయిన్ లయ అమెరికా లో ఏ ఉద్యోగం చేస్తున్నారో తెలుసా ? ఆమె నెల జీతం ఎంతంటే ?

ఇండస్ట్రీ లోకి ఎంతోమంది హీరోయిన్లు వచ్చి కోట్లాదిమంది ప్రేక్షకాభిమానాన్ని పొంది వారి వారి సినిమాలతో ప్రేక్షకులను అలరించారు. ఇక మరికొందరు హీరోయిన్లు ఒకటి రెండు సినిమాలతోనే చాలా ఫేమస్ అయ్యేవారు. అంతేకాదు వారు నటించిన ఒక్క సినిమాతోనే ఇప్పటిదాకా ప్రేక్షకులు గుర్తుపెట్టుకునేలా వారి పాత్రలు ఉండేవి. అలా విజయ భాస్కర్ దర్శకత్వం వహించిన స్వయంవరం చిత్రంలో హీరోయిన్ గా నటించి తెలుగు ప్రేక్షకులను ఎంతగానో ఆకట్టుకున్న సీనియర్ హీరోయిన్ లయ గురించి తెలుగు సినీ ప్రేక్షకులకు కొత్తగా పరిచయం చేయాల్సిన అవసరం లేదు.

స్టార్ హీరోయిన్ గా దాదాపు 13 సంవత్సరాల పాటు నిర్విరామంగా ఇండస్ట్రీలో కొనసాగింది లయ. అచ్చమైన తెలుగు అమ్మాయిగా కనిపిస్తూ చక్కటి సినిమాలతో తెలుగు జనాల మనసులో నిలిచిపోయింది. అయితే ఇండస్ట్రీలో హీరోయిన్ గా కొనసాగుతున్న సమయంలోనే ఈమె అమెరికాకు చెందిన ఓ డాక్టర్ ను వివాహం చేసుకొని అమెరికాలో స్థిరపడ్డారు. ఇలా 26వ సంవత్సరంలో వివాహం చేసుకొని అమెరికా వెళ్లినటువంటి లయ అక్కడ ఉద్యోగం చేస్తూ భారీగా డబ్బు సంపాదించే వారని తెలుస్తోంది. ఇలా అమెరికాలో స్థిరపడిన లయ చాలా కాలం తర్వాత ఇండియాకు తిరిగివచ్చారు. అయితే ఈమె ఇండియాకు తిరిగి రావడంతో పలు ఇంటర్వ్యూలకు హాజరవుతూ సందడి చేస్తున్నారు. ఇకపోతే తాజాగా ఒక ఇంటర్వ్యూలో పాల్గొన్నటువంటి ఈమె అమెరికాలో తను ఏం చేస్తుండేవారు తెలియజేశారు. 2011 నుంచి ఈమె ఐటీ సెక్టార్ ఉద్యోగం చేసే వారిని తెలియజేశారు. అయితే ఇండియాకు చెందిన కంపెనీకి తాను ఉద్యోగం చేసే దానిని వెల్లడించారు.

ఆ సమయంలో తనకు టాక్స్ లన్ని పోను నెలకు 12,000 డాలర్ల జీతం వచ్చేదని తెలిపారు. ఇక ఇండియన్ కరెన్సీ ప్రకారం ఈమె నెలకు ఏకంగా 9,60,000 జీతం అందుకునే వారని ఈ సందర్భంగా లయ తెలియజేశారు. ఇక తాను 2017 లో ఈ జాబ్ వదిలేసానని అనంతరం డాన్స్ స్కూల్ ప్రారంభించామని తెలిపారు. అయితే కోవిడ్ కారణంగా తన డాన్స్ స్కూల్ కూడా మూతపడిందని లయ తెలియజేశారు.

Related posts:

About anji