కృష్ణ పార్థివదేహాన్ని చూసేందుకు హాజరుకాని నాగార్జున.. కారణం?

సూపర్ స్టార్ కృష్ణ మృతితో ఇండస్ట్రీలో తీవ్ర విషాదం నెలకొంది. నటశేఖర ఇంకా లేరనే విషయాన్ని అభిమానులు జీర్ణించుకోలేకపోతున్నారు. లెజెండరీ నటుడికి అంతిమ నివాళులు అర్పించేందుకు తెలుగు చిత్ర పరిశ్రమ అంతా తరలివచ్చింది. సూపర్ స్టార్ కృష్ణ గుండెపోటుతో మంగళవారం అంటే నవంబర్ 15వ తేదీన తెల్లవారుజామున కాంటినెంటల్ ఆసుపత్రిలో మరణించినట్లు వైద్యులు దృవీకరించారు. కృష్ణ మరణ వార్త తెలియగానే సినీ లోకం మొత్తం కదలి వచ్చింది.

తెలుగు చిత్ర పరిశ్రమలో దర్శక నిర్మాతల నుంచి మొదలుకొని హీరోల వరకు కూడా కృష్ణ పార్థివ దేహాన్ని చూసి ఆయనకు నివాళులు అర్పించారు. కేవలం సినీ ప్రముఖులు మాత్రమే కాకుండా రాజకీయ నాయకులు సైతం హాజరయ్యారు. అయితే, కృష్ణ గారు మరణించారని వార్త తెలియగానే సోషల్ మీడియా వేదికగా స్పందించినటువంటి నాగార్జున ఆయనని చూడటానికి మాత్రం రాలేదు. కృష్ణ కుటుంబంతో నాగార్జునకు ఎంతో మంచి అనుబంధం ఉంది. అయినప్పటికీ కృష్ణ మరణించిన నాగార్జున మాత్రం హాజరు కాలేదు.

దీంతో నాగార్జున హాజరు కాకపోవడం ఇండస్ట్రీ వర్గాల్లో హాట్ టాపిక్ అవుతోంది. నాగ్ సన్నిహితుల నుంచి అందుతున్న సమాచారం ప్రకారం నాగార్జున ప్రస్తుతం హైదరాబాదులో లేరని, ఈ రీజన్ వల్లే కృష్ణ అంత్యక్రియలకు ఆయన హాజరు కాలేకపోయారని ఇంతకు మించి నాగార్జున హాజరు కాకపోవడం వెనుక మరే కారణం లేదని చెబుతున్నారు. నాగార్జున హాజరు కాకపోయినా నాగచైతన్య, అఖిల్ హాజరయ్యారని నాగ్ సన్నిహితులు చెబుతున్నారు. కాగా రాబోయే రోజుల్లో నాగార్జున కృష్ణ పార్థివదేహాన్ని చూడటానికి హాజరు కాకపోవడానికి గల కారణాలను వెల్లడించే అవకాశం అయితే ఉందని ఇండస్ట్రీ వర్గాల్లో జోరుగా ప్రచారం జరుగుతుండటం గమనార్హం.

READ ALSO : T20 WC 2022 : టీమిండియాను దారుణంగా అవమానించిన గిన్నిస్‌ రికార్డ్స్‌