విజయ్ “లియో” మూవీలో ఏజెంట్ టీనా.. కంటిన్యూ అవుతుందా..?

సాధారణంగా మనం ఏదైనా సినిమా చూసినప్పుడు ఆ సినిమాలోని మంచి మంచి సన్నివేశాలు, లేదా అందులోని ఏదైనా ఒక పాత్ర మన కళ్ళ ముందు మెదులుతూ ఉన్నట్లుగా మైండ్ లోకి వచ్చి వెళ్తూ ఉంటాయి. మూడు గంటల సినిమాలో ఆ పాత్ర కేవలం కొద్దిసేపే ఉన్నప్పటికీ ఆ పాత్ర మనకు విపరీతంగా నచ్చేస్తుంది. అలాంటి క్యారెక్టర్స్ ప్రేక్షకులను చాలా సర్ప్రైజ్ చేస్తాయి. అలా లోకేష్ కనగరాజ్ దర్శకత్వంలో విశ్వ నటుడు కమల్ హాసన్ హీరోగా వచ్చిన బ్లాక్ బస్టర్ మూవీ విక్రమ్. ఈ సినిమాలో చాలా హైలెట్స్ ఉన్నాయని చెప్పవచ్చు. ముఖ్యంగా ఈ చిత్రంలో ఏజెంట్ టీనాని ఎవరు మర్చిపోలేరు.

Read also: పెట్రోల్, వాటర్, పాల ట్యాంక్లు మాత్రమే ఎందుకు ఇలాంటి ఆకారం లో ఉంటాయి ? దీనికి కారణం ఏంటంటే ?

ఏజెంట్ టీనాగా నటించిన ఈ నటి పేరు వాసంతి. అంతేకాకుండా ఈ క్యారెక్టర్ పోషించిన వాసంతికి విక్రమ్ మూవీనే డెబ్యూ అంటే మీరు నమ్మగలరా? నమ్మి తీరాల్సిందే. కోలీవుడ్ లో వాసంతి దాదాపుగా 30 ఏళ్లుగా పనిచేస్తుంది. కానీ 2022లో విడుదలైన విక్రమ్ సినిమానే ఆమెకు డెబ్యూ. క్లాసికల్ డాన్సర్, డాన్స్ టీచర్ గా 30 ఏళ్లుగా ఆమె డాన్స్ లో పాఠాలు చెబుతూ.. కొన్నాళ్లుగా ప్రముఖ కొరియోగ్రాఫర్ దినేష్ మాస్టర్ వద్ద అసిస్టెంట్ గా వర్క్ చేస్తుంది. ఈ క్రమంలోనే వాసంతికి లోకేష్ కనగరాజ్ తెరకెక్కించిన మాస్టర్ సినిమాలోని ” వాతి కమింగ్” పాటలో మెరిసింది. ఆ సమయంలో ఆమె ఎనర్జీని గమనించిన డైరెక్టర్ లోకేష్ విక్రమ్ సినిమాలో ఏజెంట్ టీనా క్యారెక్టర్ ఛాన్స్ ఇచ్చాడు. ఆ విధంగా డాన్సర్ వాసంతి కాస్త నటి ఏజెంట్ టీనాగా పాపులర్ అయింది. ఇది ఇలా ఉంటే ఏజెంట్ టీనా ప్రస్తుతం లోకేష్ తెరకెక్కిస్తున్న దళపతి 67 సినిమాలో కూడా కంటిన్యూ అవుతుందని తెలుస్తోంది.

లియో సినిమాకు సంబంధించిన టైటిల్ ను చిత్ర బృందం తాజాగా విడుదల చేసింది. “లియో బ్లడీ స్వీట్” అంటూ నిర్మాణ సంస్థ ప్రోమో విడుదల చేసింది. ఇందులో విజయ్ సరికొత్త లుక్ లో కనిపించాడు. ఈ ప్రోమో సినిమాపై భారీగా అంచనాలను పెంచేసింది. ఈ చిత్రంలో టీనా క్యారెక్టర్ ఉందంటూ ఓ ఫోటో సోషల్ మీడియాలో వైరల్ గా మారింది. అయితే ఈ సినిమాలో ఏజెంట్ టీనా ఉంది కాబట్టి ఈ సినిమా లోకేష్ సినిమాటిక్ యూనివర్స్ లో భాగమేనని కన్ఫర్మ్ అయింది. ఈ సంవత్సరం అక్టోబర్ 19వ తేదీన దసరా సందర్భంగా ప్రపంచవ్యాప్తంగా ఈ సినిమాను విడుదల చేయనున్నట్లు తెలుస్తోంది.

Read also: “రజినీకాంత్” నుంచి “పవన్ కళ్యాణ్” వరకు టాలీవుడ్ స్టార్స్ వారికున్న చెడ్డ అలవాట్లు !

https://sumantv.com/telugu-news/movies/will-agent-tinas-character-continue-in-thalapathy67-300984.html