“వీరసింహారెడ్డి” సినిమాకి ఇదే మిస్ “వాల్తేర్ వీరయ్య” కి ప్లస్ ఇవేనా ?

వీర సింహారెడ్డి చిత్రంతో ఈ సంక్రాంతి పండుగ రేసులోకి దూసుకు వచ్చారు నటసింహా నందమూరి బాలకృష్ణ. అఖండ బ్లాక్ బస్టర్ తర్వాత బాలకృష్ణ, క్రాక్ సక్సెస్ తో గోపీచంద్ మలినేని కాంబోలో మైత్రి మూవీ మేకర్స్ తెరకెక్కించిన ఈ సినిమా ముందు నుంచి భారీ అంచనాలతో ప్రేక్షకుల ముందుకి వచ్చింది. మాస్ నాడి బాగా పట్టిన గోపీచంద్ మలినేని బాలయ్యని మాస్ ఆఫ్ గాడ్ గా చూపించి మసాలా ప్రియులకు మాస్ బిర్యానీని రుచి చూపించారు. గోపీచంద్ – బాలయ్య అభిమాని కావడంతో తన అభిమాన హీరోని ప్రేక్షకులకు ఎలా చూపిస్తే నచ్చుతుందో అలా చూపించాడు.

Read also: తండ్రి ఖాతానుంచి డబ్బు వాడుకొని, కిడ్నీ అమ్మి డబ్బు తిరిగి ఇవ్వాలనుకుంది.. కానీ..!

అయితే వీరసింహారెడ్డి సినిమా బాలయ్య అభిమానులకు నచ్చినా నెగిటివ్ టాక్ వినిపిస్తూ ఉండడం బాలయ్య అభిమానులను ఒకింత హార్ట్ చేస్తోంది. బాలయ్య గత సినిమాలను ఈ సినిమాలోని కొన్ని సన్నివేశాలు పోలి ఉండడంతోనే ఈ తరహా కామెంట్లు వ్యక్తం అవుతున్నాయనే అభిప్రాయాలు వ్యక్తం అవుతున్నాయి. అయితే కలెక్షన్ల విషయానికి వస్తే మొదటి రోజు నుండే బాలయ్య కెరీర్ లోనే బెస్ట్ కలెక్షన్స్ తో దుమ్ము దుమారం లేపిన చిత్రంగా నిలిచింది వీరసింహారెడ్డి. అయితే ఈ చిత్రంలో ఫస్ట్ ఆఫ్ అద్భుతంగా ఉందని.. కానీ హైలెట్ గా నిలిచిన పాత్ర విషయంలో ఇచ్చిన ట్విస్ట్ వల్ల సెకండ్ హాఫ్ లో ఒకింత నష్టం జరిగిందని కూడా అభిప్రాయాలు వ్యక్తం అవుతున్నాయి.

చిత్రంలోని జై తన తండ్రి వీర సింహారెడ్డి బతికే ఉన్నాడనే నిజం తల్లి ద్వారా తెలుసుకున్న తర్వాత అసలు కథ మొదలవుతుంది. అయితే చూసిన కథనే మళ్లీ మళ్లీ చూడాలంటే ఎవరికైనా బోరింగ్ అనిపిస్తుంది. కేవలం ఫైట్లు, యాక్షన్స్ సన్నివేశాలు, ఎలివేషన్స్ పైనే ఫుల్ ఫోకస్ పెట్టారు దర్శకుడు గోపీచంద్. ఫ్యాక్షన్ నేపథ్యంలో సిస్టర్ సెంటిమెంట్ ని సరిగా ఎలివేట్ చేయలేకపోయారని కామెంట్లు వినిపిస్తున్నాయి. ఇక నటీనటుల విషయానికొస్తే అందరూ అద్భుతంగా చేశారని నేటిజెన్లు కామెంట్లు చేస్తున్నారు. ఇక బాలయ్య నటన న భూతో నా భవిష్యత్ అనే విధంగా ఉందని ఫ్యాన్స్ అభిప్రాయం వ్యక్తం చేస్తున్నారు.

Read also: మొదటి సినిమాతో హిట్ కొట్టేసి, కనపడకుండా కనుమరుగైన 6 స్టార్ హీరోయిన్స్ !