"క్రాక్" సినిమా విలన్ కఠారి కృష్ణ ఎవరు? ఎలా ఉన్నారు ఇప్పుడేం చేస్తున్నాడో తెలుసా?

రెండేళ్ల కిందట సంక్రాంతికి విడుదలైన సినిమాల్లో సంచలన విజయం సాధించింది క్రాక్. రవితేజకు దాదాపు నాలుగేళ్ల తర్వాత సిసలైన విజయం తీసుకొచ్చిన సినిమా ఇది. ఇక పని అయిపోయింది, రవితేజ సైడ్ క్యారెక్టర్స్ వేసుకోవాల్సిందే అంటూ సెటైర్లు పెలుతున్న సమయంలో తాను ఇంకా అయిపోలేదని ఇప్పుడే మొదలు పెట్టానంటూ క్రాక్ తో కిరాక్ పుట్టించాడు మాస్ రాజా. ఈయన దెబ్బకు ఏకంగా సంక్రాంతికి థియేటర్లు మోతెక్కిపోయాయి. కాగా, కఠారి కృష్ణ ఈ పేరు చెప్పగానే క్రాక్ సినిమా గుర్తుకొస్తుంది. అడ్డొచ్చిన వ్యక్తిని అది కిరాతకంగా చంపడం, అడ్డు అదుపు లేకుండా దందాలు చేయడం కఠారి కృష్ణ చేసే పని. ఈ సినిమాలో కఠారి కృష్ణ పాత్రలో సముద్రఖని నటించి ఆహా అనిపించారు.

రియల్ గా ఇలాంటి క్రూర మనిషి ఉంటాడా అనేంతలా మెప్పించారు డైరెక్టర్ గోపీచంద్ మలినేని. ఆశ్చర్యకరమైన విషయం ఏంటంటే రియల్ గా కఠారి కృష్ణ ఉన్నారు. ఒంగోలు ప్రాంతంలో 1970 నుంచి 2000 సంవత్సరం వరకు కటారి కృష్ణ పేరు వింటే జనాలు వనికి పోయేవారు. ఈయనది గోపాలపురం. మోటర్ ఫీల్డ్ లో పనిచేస్తూ కొన్ని కారణాల వల్ల క్రైమ్ బ్యాచ్ కు లీడర్ గా మారాడు. చిన్నచిన్న గొడవలు నువ్వు పెద్దదిగా చేస్తూ హ**లకు ప్లాన్ చేసే వారట. ఇదే సమయంలో మరో గ్రూప్ లీడర్ చింతల నారాయణ, పిచ్చయ్య అనే వ్యక్తులపై హత్యాయత్నం చేశారు. వీరిలో ఒకరు చనిపోవడంతో ఇందులో ఇన్వాల్వ్ అయిన 14 మందికి జైలు శిక్ష పడింది. వీరిలో కఠారి కృష్ణ కూడా ఉన్నారు.

ఆ తర్వాత జైలు నుంచి బయటకు వచ్చిన తర్వాత కఠారి కృష్ణ పేరు వింటేనే వణికిపోయేవారు. 1980లో బ్యాంక్ ఎన్నికల్లో వెంకటసుబ్బయ్య అనే వ్యక్తిని హత్య చేసి జైలుకెళ్లారు. ఆ తర్వాత బయటకు వచ్చిన ఆయన పలు దందాలు నిర్వహించేవారు. సినిమాల్లో చూపినట్లుగానే కఠారి కృష్ణకు రెండో భార్య జయమ్మ ఉండేది. ఈమె హత్య జరిగిన తర్వాత కఠారి రౌడీయిజం తగ్గింది. ఆ తర్వాత ఇతని మొదటి భార్య, కూతురు దూరమయ్యారు. ఈ స్టోరీని కఠారి కృష్ణనే చెబుతూ కన్నీళ్లు పెట్టుకున్నట్లు డైరెక్టర్ గోపీచంద్ మలినేని తెలిపారు. జీవితంలో దండాలు, రౌడీయిజం చేస్తే చివరికి మనకు తోడుగా ఎవరూ ఉండరని ఆయన చెప్పారట. ఒకప్పుడు దందాలు చేసి బిర్యానీ తిన్న ఆయన ఇప్పుడు ఉల్లిపాయలు అమ్ముకుంటూ గంజినీళ్లు తాగుతున్నాడట.

Related posts:

About anji