భర్త బతకడని తెలిసి.. ఇద్దరి పిల్లలతో ఆమె అలా... అసలేం జరిగింది అంటే..?

కష్టాలని గట్టెక్కాలంటే చావే దానికి సమాధానం కాదు. ఈరోజుల్లో ప్రతి ఒక్కరు కూడా ప్రతి చిన్న విషయానికి మనస్థాపానికి గురవడం.. ఆత్మహత్య చేసుకోవడం వంటివి ఎక్కువగా జరుగుతున్నాయి. ఇలాంటి వార్తలు మనం ప్రతి రోజు చాలా చూస్తున్నాం. క్షణికావేశంలో నిర్ణయం తీసుకుని మరణమే మేలని చాలామంది ఆత్మహత్యలకి పాల్పడుతున్నారు.

ఆర్థిక సమస్యలైనా, వివాహేతర సమస్యలైనా, చిన్నపాటి ఒత్తిడైనా మరణమే సమాధానం అనుకొని క్షణికావేశంలో ఆత్మహత్యకి పాల్పడుతున్నారు. తాజాగా మరొకటి చోటు చేసుకుంది భర్త చనిపోతాడని తెలిసి తాను కూడా క్షణికావేశంలో దారుణమైన నిర్ణయాన్ని తీసుకుంది ఇక మరి మనం పూర్తి వివరాల్లోకి వెళ్లి పోదాం…

రామాయంపేట మండలం అక్కన్న పేటలో ఈ విషాదం చోటు చేసుకుంది. భార్యాభర్తల మధ్య గొడవ జరిగింది. అదే కొంప ముంచింది. అక్కన్నపేటకు చెందిన ఎల్లం తో మెదక్ మండలం వెంకటాపూర్ కి చెందిన లక్షీ పెళ్లి అయ్యింది. పెళ్ళై ఏడు ఏళ్ళు అయింది. వీళ్ళకి శరణ్య, శ్రావ్య ఇద్దరు పిల్లలు. ఎల్లం తన తల్లిదండ్రుల తో పాటే భార్య బిడ్డలతో ఉంటున్నాడు. వ్యవసాయభూమి ఏమి కూడా ఎల్లం కి లేదు. హైదరాబాద్ లో చిన్న చిన్న పనులు చేసుకోవడం మొదలు పెట్టాడు.

తనతోనే తమ్ముడు రాజు కూడా ఉంటున్నాడు. గత కొంత నుండి ఎల్లం అతని భార్య లక్ష్మికి మధ్య గొడవలు అవుతూనే వున్నాయి. మనస్థాపానికి గురైన ఎల్లం విషం తాగేశాడు. చికిత్స కోసం మెదక్ ఆస్పత్రికి అతన్ని కుటుంబీకులు తీసుకు వెళ్లారు. భర్త బతకడని పిల్లలను వెంటతీసుకొని ఆసుపత్రి నుండి ఆమె పుట్టింటికి బయలుదేరింది. కొండూర్ వద్ద చెరువులో ఇద్దరు పిల్లలను తోసేసి ఆమె కూడా దూకేసింది. భర్త ఎల్లం అలానే భార్య పిల్లలు మొత్తం నలుగురు చనిపోయారు. దీనితో కుటుంబ సభ్యులు కన్నీరు మున్నీరయ్యారు.

Related posts:

About sravya