తెలంగాణ వైద్యారోగ్యశాఖలో కొలువుల జాతర.. 1520 పోస్టుల భర్తీకి నోటిఫికేషన్

తెలంగాణ వైద్యారోగ్య శాఖలో కొలువుల జాతర కొనసాగుతోంది. మెడికల్ విభాగంలో విద్యనభ్యసించి ఉద్యోగం కోసం ఎదురుచూస్తున్న అభ్యర్థులకు తీపి కబురు చెప్పింది తెలంగాణ వైద్యారోగ్య శాఖ. వైద్యశాఖలోని పలు విభాగాలు ఇప్పటికే ఉద్యోగ భర్తీ చేయగా మరోసారి ఉద్యోగ భర్తీకి నోటిఫికేషన్ విడుదల అయింది. వైద్యారోగ్య శాఖలో మరో 1520 పోస్టులను భర్తీ చేయనున్నట్టు రాష్ట్ర వైద్యారోగ్య శాఖ ప్రకటించింది. ఇప్పటికే 1800లకు పైగా నర్సింగ్ సిబ్బంది.. అసిస్టెంట్ ప్రొఫెసర్ పోస్టుల భర్తీకి శ్రీకారం చుట్టింది ప్రభుత్వం. 

తాజాగా కుటుంబ, ఆరోగ్య సంక్షేమ శాఖ విభాగంలో ఖాళీగా ఉన్నటువంటి మల్టీపర్పస్ హెల్త్ అసిస్టెంట్ పోస్టులను భర్తీ చేయనున్నట్టు స్పష్టం చేసింది మెడికల్ హెల్త్ సర్వీసెస్ రిక్రూట్ మెంట్ బోర్డు. ఎంహెచ్ఎస్ఆర్బీ ద్వారా ఈ పోస్టులను భర్తీ చేయనున్నట్టు పేర్కొంది. ఆగస్టు 25 నుంచి సెప్టెంబర్ 19వ తేదీ వరకు ఆన్ లైన్ ద్వారా దరఖాస్తు చేసుకోవచ్చని తెలిపింది. వైద్యారోగ్యశాఖ నోటిఫికేషన్ పై ట్విట్టర్ మంత్రి హరీశ్ రావు సంతోషాన్ని వ్యక్తం చేసారు. అర్హులైన వారందరూ ఈ అవకాశాన్ని సద్వినియోగం చేసుకోవాలని కోరారు. 

Job mela in Health Medical & Family Welfare Department continues.. Notification for filling 1520 vacancies of Multi Purpose Health Assistant (Female) under Commissioner of Health & Family Welfare was released by Medical Health Services Recruitment Board.
Good luck to all the…

— Harish Rao Thanneeru (@BRSHarish) July 26, 2023