ఖడ్గం సినిమా ఇప్పుడు తీస్తే చంపేస్తారేమో, కృష్ణవంశీ కామెంట్స్ వైరల్!

టాలీవుడ్ స్టార్ దర్శకుడు కృష్ణవంశీ గురించి ఎంత చెప్పినా తక్కువే అవుతుంది. ఆయన ఏ సినిమా చూసిన చాలా ఎమోషనల్ గా ఉంటాయి.
స్టార్ డైరెక్టర్ కృష్ణవంశీ దర్శకత్వంలో వచ్చిన ఖడ్గం మూవీ అప్పట్లో సెన్సేషన్ క్రియేట్ చేసింది. దేశభక్తి కథాంశంగా వచ్చిన ఈ సినిమాలో శ్రీకాంత్, రవితేజ, ప్రకాష్ రాజ్ కీలక పాత్రలు పోషించగా, సోనాలి బింద్రే, సంగీత, కిమ్ శర్మ ఇతర పాత్రల్లో నటించారు.

దేశభక్తి గురించి తెరకెక్కించిన కొన్ని సీన్లు అప్పట్లో ఓ రేంజ్ లో హైలైట్ అయ్యాయి. ఈ పాటలు ఇప్పటికీ సినీ లవర్స్ చెవుల్లో మార్మోగుతూనే ఉంటాయి. అయితే పాత బస్తిలో ఉండే వారిని తీవ్రవాదులుగా చూపించడం, టెర్రరిస్టులకు ఆశ్రయం ఇచ్చే వారిలా చూపించడం పై అప్పట్లోనే దుమారం రేగింది.

Also read: నంది కొమ్ముల నుంచే శివలింగాన్ని ఎందుకు దర్శిస్తారు.!

ముస్లిం మతస్తులు తీవ్ర అభ్యంతరం వ్యక్తం చేస్తూ, థియేటర్ల పై దాడులు కూడా చేశారు. ఖడ్గం మూవీ విడుదలైన తర్వాత కృష్ణవంశీ ప్రాణభయంతో వారం రోజులు అండర్ గ్రౌండ్ కు వెళ్లిపోయారని టాక్ కూడా ఉంది. తాజాగా ఓ నేటిజన్ అడిగిన ప్రశ్నకు కృష్ణవంశీ ఇచ్చిన సమాధానం ఇప్పుడు వైరల్ అవుతుంది. ‘ మీ నుంచి ఖడ్గం లాంటి మూవీ కోసం వేటింగ్’ అని ఓ నెటిజన్ అడగ్గా, ‘ఇప్పుడైతే చంపేస్తారేమో సార్’ అంటూ ఫన్నీగా నవ్వుతూ రిప్లై ఇచ్చాడు కృష్ణ వంశీ.

ప్రస్తుతం జరుగుతున్న కాంట్రవర్సీ లను దృష్టిలో పెట్టుకొని ఆయన ఈ సమాధానం ఇచ్చినట్లు తెలుస్తోంది. ఇదిలా ఉండగా, లాంగ్ గ్యాప్ తర్వాత కృష్ణవంశీ డైరెక్షన్ లో వస్తున్న మూవీ ‘రంగమార్తాండ’. ప్రకాష్ రాజ్, రమ్యకృష్ణ, శివాత్మిక, రాజశేఖర్, రాహుల్ సిప్లిగంజ్, బ్రహ్మానందం, అనసూయ తదితరులు కీలక పాత్రలు పోషిస్తున్నారు. ఈ సినిమాకు ఇళయరాజా సంగీతం అందిస్తున్నారు. ఇప్పటికే ఈ సినిమాను చూసిన పలువురు ప్రముఖులు అద్భుతంగా ఉందంటూ ప్రశంసిస్తున్నారు. కృష్ణవంశీని ఈ సినిమా మరో రేంజ్ లో నిలబెడుతుంది అంటూ చెబుతున్నారు. ఈ మూవీతో కృష్ణవంశీ బౌన్స్ బ్యాక్ ఇస్తారని అభిమానులు ధీమాగా చెబుతున్నారు.

 

Also Read: ‘అంటే సుందరానికి’ మూవీలో హీరో బామ్మగా నటించిన నటి ఎవరంటే..