పెళ్లి పీటలెక్కనున్న విజయ్ దేవరకొండ.. ఫొటో వైరల్..!

టాలీవుడ్ రౌడీ బాయ్ విజయ్ దేవరకొండ బ్యాచిలర్ లైఫ్ కి బైబై చెప్పనున్నాడా అంటే అవుననే సమాధానాలు వినిపిస్తున్నాయి. త్వరలోనే పెళ్లి పీటలు ఎక్కనున్నట్టు తెలుస్తోంది. ఆగస్టు 29న విజయ్ దేవరకొండ పెట్టి ఇన్ స్టాగ్రామ్ స్టోరీ.. “ చాలా జరుగుతాయి.. కానీ ఒకటి మాత్రం చాలా స్పెషల్-త్వరలోనే ప్రకటిస్తాను అని ఓ ఫొటోను ఇన్ స్టాగ్రామ్ స్టోరీలో పోస్ట్ చేశారు విజయ్. ఈ ఫొటోలో ఓ అమ్మాయి చేయి విజయ్ దేవరకొండ చేతిలో ఉండటం విశేషం.

దీంతో త్వరలోనే విజయ్ దేవరకొండ పెళ్లిపీటలెక్కనున్నాడని.. ఈ పోస్టుకు ఇదే అర్థం అంటూ అభిమానులు, నెటిజన్లు, ఫాలోవర్స్ కామెంట్స్ వర్షం కురిపిస్తున్నారు. ఇదే సమయంలో ఇదంతా ఖుషి మూవీ ప్రమోషన్లలో భాగంగా రౌడీబాయ్ ఇలా చేస్తున్నాడంటూ.. మరికొందరూ స్పందిస్తున్నారు. ఈ ఫొటోకు అర్థం ఏంటో తెలియాలంటే.. విజయ్ స్పందించాలి. సమంతతో విజయ్ కలిసి నటించిన ఖుషి మూవీ రిలీజ్ కి రంగం సిద్ధమైంది. ఇప్పటికే అన్ని హంగులు పూర్తి చేసుకున్న ఈ యూత్ ఫుల్ లవ్ స్టోరీ సెప్టెంబర్ 01న గ్రాండ్ గా రిలీజ్ కానుంది.ఇప్పటికే తెలుగు రాష్ట్రాలలో అడ్వాన్స్ బుకింగ్ ప్రారంభం అయ్యాయి.

 

శివ నిర్వాణ తెరకెక్కించిన ఈ మూవీలో జయరాం, సచిన్ ఖేడేకర్, వెన్నెల కిషోర్, రాహుల్ రామకృష్ణ, మురళీ శర్మ, లక్ష్మీ, అలీ, శరణ్య పొన్ వణ్ణన్, రోహిణి, ప్రదీప్ తదితరులు కీలక పాత్రలు పోషించారు. మైత్రీ మూవీ మేకర్స్ బ్యానర్ పై నవీన్ యెర్నేని, రవిశంకర్ ఈ ఫీల్ గుడ్ లవ్ స్టోరీని నిర్మించారు. తెలుగుతో పాటు తమిళం, మలయాళం, కన్నడ, హిందీ భాషల్లో పాన్ ఇండియా ఖుషి సినిమాను రిలీజ్ చేస్తున్నారు.