ISRO Scientists Salaries: ఇస్రో సోలార్ మిషన్ ఆదిత్య L-1 వెనుక ఉన్న శాస్త్రవేత్తలు, టెక్నిషియన్స్ జీతాలు ఎంతో తెలుసా?

ISRO Scientists Salaries:: ఆగస్టు 23న ISRO యొక్క చంద్రయాన్ 3 మిషన్ విజయవంతం అయిన తర్వాత, ISRO ఇప్పుడు ఆదిత్య-L1 పేరుతో మొట్టమొదటి సౌర మిషన్‌ను కూడా ప్రారంభించింది. ఈ మిషన్ సూర్యుడిని అధ్యయనం చేయడంపై దృష్టి పెట్టింది. సెప్టెంబర్ 2న శ్రీహరికోటలోని సతీష్ ధావన్ స్పేస్ సెంటర్ నుంచి ప్రయోగం విజయవంతంగా జరిగింది. ఈ మిషన్ లో పని చేసిన శాస్త్రవేత్తలు, టెక్నిషియన్స్ గురించి, వారి జీతాల గురించి తెలుసుకుందాం.

డాక్టర్ శంకరసుబ్రమణియన్ కె అనే సీనియర్ శాస్త్రవేత్త ఆదిత్య-ఎల్1 మిషన్‌కు ప్రధాన శాస్త్రవేత్తగా ఉన్నారు. ఆదిత్య ఎల్-1 ప్రాజెక్ట్ డైరెక్టర్‌గా పనిచేస్తున్న తెన్‌కాసి జిల్లా సెంగోట్టైకి చెందిన నికర్షా మహిళా శాస్త్రవేత్తగా పని చేసారు. సోలార్ మిషన్ వెనుక ఉన్న రెండు గొప్ప బ్రైన్స్ వీరివే. మరోవైపు, చంద్రయాన్ 3 యొక్క ప్రాజెక్ట్ డైరెక్టర్ పి వీరముత్తువేల్ మరియు డిప్యూటీ ప్రాజెక్ట్ డైరెక్టర్ కల్పన కాళహస్తితో పాటు చంద్రయాన్ 3 విజయవంతం కావడం వెనుక అంతరిక్ష శాఖ కార్యదర్శి మరియు చైర్‌పర్సన్ ఎస్ సోమనాథ్ ప్రధాన వ్యక్తిగా ఉన్నారు.

రిపోర్ట్స్ ప్రకారం, ఇస్రోలో ఇంజనీర్లు రూ. 37,400 నుండి రూ. 67,000 వరకు జీతాలు పొందుతారు. సీనియర్ సైంటిస్టులకు రూ.75,000 నుంచి రూ.80,000 వరకు జీతం లభిస్తుండగా, ఇస్రోకు చెందిన ప్రముఖ శాస్త్రవేత్తలకు నెలకు రూ.2 లక్షల జీతం అందుతుంది. మరోవైపు, అత్యుత్తమ శాస్త్రవేత్తలకు రూ.1,82,000 మరియు ఇంజనీర్ హెచ్‌కు రూ.1,44,000. సైంటిస్ట్/ఇంజనీర్-ఎస్‌జీకి రూ.1,31,000 మరియు సైంటిస్ట్/ఇంజనీర్-ఎస్‌ఎఫ్‌కు రూ.1,18,000 లభిస్తుంది.