బాలకృష్ణ హీరోగా చేయడానికి ముందు కెమరామెన్ గా పని చేసారా? ఏ సినిమా కోసం అంటే?

నందమూరి బాలకృష్ణ ఎన్టీఆర్ కు నటవారసుడిగా పదహారేళ్ళ వయసులోనే సినిమా ఇండస్ట్రీ లో అడుగు పెట్టారన్న సంగతి తెలిసిందే. ఆయనకు పదహారేళ్ళప్పటి నుంచి ఎన్టీఆర్ తో పాటు సెట్స్ కు వెళ్లేవారు. ఎన్టీఆర్ తో పాటే సినిమాల్లో నటించేవారు. ఆ సమయంలో ఎన్టీఆర్ బాలకృష్ణకు ఎన్నో మెళకువలు కూడా నేర్పించేవారట. ఎన్టీఆర్ దర్శకత్వంలో కూడా బాలకృష్ణ చాలా సినిమాల్లో నటించారన్న సంగతి తెలిసిందే. వాటిల్లో ఒకటి పోతులూరి వీరబ్రహ్మేంద్ర స్వామి సినిమా.

ఈ సినిమాలో టైటిల్ రోల్ ను ఎన్టీఆర్ పోషించారు. ఈ సినిమాకు ఆయనే దర్శకత్వం కూడా. ఈ సినిమాలోనే పోతులూరి వీర బ్రహ్మేంద్ర స్వామి భక్తుడిగా బాలకృష్ణ కనిపిస్తారు. అయితే.. ఈ సినిమా రిలీజ్ అయ్యి ఆ రోజుల్లోనే నాలుగు కోట్ల రూపాయల కలెక్షన్ ను రాబట్టింది. ఈ సినిమాకి పూర్తి దర్శకత్వం బాధ్యతలు ఎన్టీఆర్ గారే తీసుకున్నారు. అయితే.. బాలకృష్ణకు కూడా సినిమా ఎలా తీస్తారు అన్న విషయమై అవగాహనా ఉండాలి అన్న ఉద్దేశ్యంతో బాలకృష్ణతో కూడా చాలా పనులు చేయించారట.

ఈ సినిమాలో కెమెరామాన్ వర్క్ ను బాలకృష్ణకు అప్పగించారు. ఎన్టీఆర్ గారే దగ్గరుండి ఈ వర్క్ ఎలా చేయాలో నేర్పించారట. అలా బాలకృష్ణ మొదటగా కెమెరామెన్ గా పని చేసారు. అయితే.. ఈ సినిమా విడుదల మాత్రం ఆలస్యం అయ్యింది. సెన్సార్ వారు అడ్డుకట్ట వేయడంతో సినిమా రిలీజ్ ఆగింది. ఆ తరువాత ఎన్టీఆర్ గారు ముఖ్యమంత్రి అయ్యిన తరువాతే ఈ సినిమా రిలీజ్ అయ్యింది. అప్పట్లోనే కోట్లలో కలెక్షన్ సాధించి బాక్స్ ఆఫీస్ రికార్డ్స్ బద్దలు కొట్టింది.

Read More:

మొట్టమొదటి సారి డివోర్స్ పై స్పందించిన నిహారిక.. ఆ తరువాతే ఫ్యామిలీ విలువ తెలిసొచ్చింది అంటూ..!

కొత్తపార్టీ పెట్టిన దళపతి విజయ్.. లోక్ సభ ఎన్నికల నెల రోజుల ముందు?