Advertisement
కొన్ని నెలల క్రితం ఏపీ అసెంబ్లీ ఎన్నికల సందర్భంగా అల్లు అర్జున్ తన స్నేహితుడు నంద్యాల వైసీపీ ఎమ్మెల్యే అభ్యర్థి శిల్పా రవిచంద్ర రెడ్డికి సపోర్ట్ చేశారు. అప్పట్లో తీవ్ర సంచలనంగా ఇది మారింది. పవన్ కళ్యాణ్ వైసీపీకి వ్యతిరేకంగా పోరాడుతుంటే అల్లు అర్జున్ అదే పార్టీకి సపోర్ట్ చేయడంతో ఫ్యాన్స్ మండిపడ్డారు. జనసేన నేతలు తీవ్ర అగ్రహంగా ఉన్నారు. తన స్నేహితుడు అని మాత్రమే తన ప్రచారానికి వెళ్లినట్లు అల్లు అర్జున్ చెప్పినప్పటికీ మెగా అభిమానులు, జనసైనికులు అస్సలు శాంతించట్లేదు.
Advertisement
జనసేన పార్టీ గన్నవరం నియోజకవర్గ ఇన్చార్జ్ చలమల శెట్టి రమేష్ బాబు చేసిన కామెంట్లు ఇప్పుడు సంచలనంగా మారాయి. అల్లు అర్జున్ నువ్వు హీరో అనుకుంటున్నావా? నువ్వు కమెడియన్ అంటూ తీవ్రవ్యాఖ్యలు చేశారు. మెగా ఫ్యామిలీలోని చిరంజీవి, పవన్ కళ్యాణ్, నాగబాబు అండ చూసుకుని సినిమాల్లోకి వచ్చి ఇప్పుడు వారిని విమర్శించే స్థాయి నీకు లేదు అని మండిపడ్డారు. సినీ ఇండస్ట్రీలో చిరంజీవి అంటే మహావృక్షం లాంటివాడని బ్లడ్ బ్యాంక్ ఏర్పాటు చేసి ఎంతోమందికి జీవన జీవితాన్ని ప్రసాదించిన మహనీయుడని కొనియాడారు.
Advertisement
Also read:
కానీ అలాంటి చిరంజీవిని అవమానించావని అల్లు అర్జున్ పై ఆయన విరుచుకుపడ్డారు. నీడని ఇచ్చిన చెట్టునే విమర్శిస్తున్నవని.. నువ్వు, మీ నాన్న అల్లు అరవింద్ కనీసం పెళ్లికి కూడా ఆ బిక్షం వేయరని ఫైర్ అయ్యారు. చిరంజీవి, పవన్ కళ్యాణ్, నాగబాబు కాళ్లు కడిగి నీళ్లు నెత్తిన చల్లుకుంటే కానీ నువ్వు చేసిన తప్పు సరికాదని అన్నారు. ఈ ఏడాది డిసెంబర్ నెలలో రిలీజ్ అయ్యే మూవీ తమ నియోజకవర్గ గన్నవరంలో ఎలా ఆడుతుందో చూపిస్తానని హెచ్చరికలు చేశారు. కనీసం అల్లు అర్జున్ కి ఫ్లెక్సీలు కట్టే వాళ్ళు కూడా ఎవరూ లేరని అన్నారు.
తెలుగు న్యూస్ కోసం ఇవి చూడండి!
