తండ్రి కాబోతున్న ఆ స్టార్ క్రికెటర్.. హిందు సంప్రదాయ ప్రకారమే సీమంతం..!

ఆస్ట్రేలియా స్టార్ క్రికెటర్ గ్లెన్ మాక్స్ వెల్ త్వరలో తండ్రి కాబోతున్నాడు. ఈ శుభవార్తను ఆయన భార్య వినీ రామన్ సోషల్ మీడియా ద్వారా తెలిపారు. మార్చి 27, 2022 గ్లెన్ మాక్స్ వెల్ ఇండియాకి చెందిన  తన చిన్నప్పటి స్నేహితురాలు వినీ రామన్ ని వివాహం చేసుకున్నాడు. ఇప్పుడు సీమంతం కార్యక్రమానికి సంబంధించిన ఫొటోలను షేర్ చేసిన వినీ రామన్.. ఫ్యామిలీకి కొత్త అతిథి వచ్చాడనే వార్త పంచుకున్నారు. వినీరామన్ తమిళనాడుకు చెందిన అమ్మాయి.. పెళ్లి వేడుక హిందు, క్రైస్తవ సంప్రదాయ పద్దతులలో జరిగింది.

తమ ప్రేమ బంధానికి గుర్తుగా పండంటి బిడ్డను తమ జీవితంలోకి ఆహ్వానించనున్నారు. తమిళనాడు సంప్రదాయం ప్రకారమే.. వినీ రామన్ సీమంతం గ్రాండ్ గా జరిగింది. ఈ వేడుక ఫొటోలను వినీ రామన్ సోషల్ మీడియాలో సేర్ చేసుకోగా.. కాస్త వైరల్ అయ్యాయి. ఈ సందర్భంగా వినీ రామన్ సంప్రదాయ దుస్తుల్లో కనిపించి ఆకట్టుకుంది. అదేవిధంగా గ్లెన్ మాక్స్ వెల్ కూడా తన భార్యకు స్పెషల్ గిప్ట్ ఇచ్చి ఫొటోకి ఫోజులిచ్చాడు.

‘మేము సెప్టెంబర్ లో తల్లిదండ్రులు కాబోతున్నామని ప్రకటించడానికీ నేను ఆనందిస్తున్నాను’ అంటూ గ్లెన్ మాక్స్ వెల్ తన భార్యకు రాసిన ప్రత్యేక లేఖను కూడా సోషల్ మీడియాలో షేర్ చేసింది వినీరామన్.  ప్రస్తుతం ఆస్ట్రేలియా టెస్ట్ జట్టుకు దూరమైన మాక్స్ వల్ ఆగస్టులో సౌతాఫ్రికాతో జరిగే సిరీస్ ద్వారా తిరిగి జట్టులోకి చేరనున్నాడు. ఈ సిరీస్ ఆస్ట్రేలియా 3 టీ20 మ్యాచ్ లు, 5 వన్డేలను ఆడనుంది. దీంతో తరువాత భారత్ తో జరిగే 5 వన్డేల సిరీస్ లో గ్లెన్ మాక్స్ వెల్ ఆడనున్నాడు.