టాలీవుడ్ హిస్టరీలో అతిపెద్ద కటౌట్.. భోళాశంకర్ రికార్డులు షురూ..!

మెగాస్టార్ చిరంజీవి గురించి ప్రత్యేకంగా చెప్పాల్సిన అవసరమే లేదు. రీ ఎంట్రీ ఇచ్చిన తరువాత మెగాస్టార్ వరుస సినిమాలతో దూసుకెళ్తున్నాడు. ఇటీవలే ఆయన నటించిన వాల్తేరు వీరయ్య సినిమా సూపర్ హిట్ సాధించిన విషయం తెలిసిందే. త్వరలోనే భోళా శంకర్ మూవీతో ప్రేక్షకుల ముందుకు రాబోతున్నాడు. ఈ సినిమాకు మెహర్ రమేష్ దర్శకత్వం వహిస్తున్నాడు. తమిళంలో విడదలైన వేదాళం మూవీకి ఇది రీమేక్ గా తెరకెక్కుతుంది. 

మెగాస్టార్ చిరంజీవి సరసన తమన్నా హీరోయిన్ గా నటిస్తుంది. కీర్తి సురేష్ చిరంజీవికి చెల్లెలుగా కనిపించనుంది. మహతి స్వరసాగర్ సంగీతం అందిస్తున్నారు. అనిల్ సుంకర ఏకే ఎంటర్టైన్మెంటన్స్ బ్యానర్ పై ఈ చిత్రాన్ని భారీ బడ్జెట్ తో నిర్మిస్తున్నారు. ఆగస్టు 11న భోళాశంకర్ మూవీని విడుదల చేయనున్నారు. రీలీజ్ కి సమయం దగ్గర పడుతుండటంతో కొద్ది రోజులుగా ప్రమోషన్స్ వేగాన్ని పెంచేస్తున్నారు. ఇప్పటికే ఈ మూవీ నుంచి వచ్చిన ప్రమోషనల్.. కంటెంట్ ఆకట్టుకోగా.. ఇటీవలే భోళా శంకర్ నుంచి ట్రైలర్ విడుదల చేశారు. ట్రైలర్ కి ఫ్యాన్స్ నుంచి యునామినస్ రెస్పాన్స్ లభించింది. ఇదిలా ఉండగా.. తాజాగా ఈ చిత్రంలోని మెగాస్టార్ కి సంబంధించిన ఓ పోస్టర్ ను భారీ కటౌట్ రూపంలో ఏర్పాటు చేశారు. విజయవాడ-హైదరాబాద్ హైవే పై సూర్యపేట సమీపంలో రాజుగారి తోట రెస్టారెంట్ ఉన్న విషయం విధితమే.

మరీ ఈ రెస్టారెంట్ నిర్మాత అనిల్ సుంకరకు చెందిందని కొద్ది మందికీ మాత్రమే తెలుసు. మరి ఆయన నిర్మాణంలో నిర్మించే సినిమాకు సంబంధించిన కటౌట్ ని ఆ రెస్టారెంట్ ముందు ఏర్పాటు చేయడం జరుగుతుంది. ఎప్పటికంటే ఈ సారి మెగాస్టార్ భోళా శంకర్ కటౌట్ ని అతి భారీగా ప్లాన్ చేశారు. రాజుగారితోట రెస్టారెంట్ ముందు ఏకంగా మెగాస్టార్ 126 అడుగుల కటౌట్ ని ఏర్పాటు చేశారు. ఇప్పటివరకు టాలీవుడ్ ఇండస్ట్రీలో ఇదే అతిపెద్ద కటౌట్ అని పేర్కొంటున్నారు.  ఈ స్థాయిలో కటౌట్ ఇప్పటివరకు ఏ సినిమా కోసం ఏర్పాటు చేయలేదు. ఈ కటౌట్ తో మెగాస్టార్ చరిత్రనే సృష్టించాడు. భోళాశంకర్ రికార్డులను ఇక్కడి నుంచే ప్రారంభించేశాడు. దీంతో మెగా అభిమానులు ఈ కటౌట్ ని సోషల్ మీడియాలో షేర్ చేస్తూ తెగ సందడి చేస్తున్నారు.