Advertisement
ఇటీవలే చిరంజీవి పై ప్రముఖ ప్రవచనకర్త గరికపాటి నరసింహారావు చేసిన వ్యాఖ్యలపై దుమారం ఇంకా కొనసాగుతున్న సంగతి తెలిసిందే. హర్యానా గవర్నర్ బండారు దత్తాత్రేయ కూతురు నిర్వహించిన “అలాయ్ బలాయ్” కార్యక్రమానికి మెగాస్టార్ చిరంజీవిని, గరికపాటి నరసింహరావుని ఆహ్వానించారు. ఈ కార్యక్రమంలో గరికపాటి మాట్లాడుతుండగా, చిరుతో ఫోటోలు దిగడానికి చాలామంది మహిళలు, యువతులు స్టేజి పైకి రావడంతో గరికపాటి ఒకింత అసహనానికి గురై “చిరంజీవి గారు ఫొటో సెషన్ ఆపాలని లేకపోతే నాకు సెలవు ఇప్పించండి” అని చేసిన వ్యాఖ్యాలపై మెగా అభిమానులు సోషల్ మీడియా వేదికగా ఆగ్రహం వ్యక్తం చేశారు.
Advertisement
అయితే, ఈ సంఘటనలో బిగ్ ట్విస్ట్ చోటుచేసుకుంది. తాజాగా మెగాస్టార్ చిరంజీవి, గరికపాటి వ్యాఖ్యాలపై తనదైన స్టైల్ లో పంచ్ వేశారు. తాజాగా మెగాస్టార్ చిరు, ప్రముఖ సినీ జర్నలిస్టు ప్రభు రాసిన ‘శూన్యం నుంచి శిఖరాగ్రాలకు’ పుస్తక ఆవిష్కరణ కార్యక్రమానికి హాజరయ్యారు. శుక్రవారం హైదరాబాద్ లో ఈ ఈవెంట్ జరిగింది. చిరంజీవిపై రాసిన ఈ పుస్తకావిష్కరణ కార్యక్రమానికి ఆయనే గెస్ట్ గా హాజరయ్యారు.
Advertisement
అయితే ఈ సందర్భంగా స్టేజ్ పై ఉన్న చిరంజీవితో ఫోటోలు దిగేందుకు మహిళలు క్యూ కట్టారు. ఈ సందర్భంగా, చిరు ఇక్కడ వారే లేరు కదా, హమ్మయ్య అంటూ, పంచ్ వేశారు. దీంతో చిరంజీవి గరికపాటి పై పంచ్ వేసిన వీడియో ఇప్పుడు నెట్టింట ఎంత వైరల్ అవుతుంది. అంతకుముందు కూడా మీడియా ఇంటరక్షన్ లో గరికపాటి వివాదంపై చిరంజీవిని మీడియా ప్రముఖులు అడిగిన ప్రశ్నకు సమాధానం చెప్పారు. గరిక పాటి నరసింహారావు పెద్దాయన, ఆయన వ్యాఖ్యాల పై చర్చ అనవసరం అన్నారు మెగాస్టార్. కానీ తాజాగా చిరు, గరికపాటి పై వేసిన సెటైర్లు నెట్టింట ట్రెండ్ అవుతున్నాయి.
