తన హాస్పిటల్ నర్సుని ప్రేమించి పెళ్లి చేసుకున్నాడు ! రెండేళ్లు గడవక ముందే అయన ఇచ్చిన ట్విస్ట్ ఏంటంటే ?

ఇటీవలి కాలంలో ప్రేమించి మోసం చేసే ఘటనలు ఎక్కువగా జరుగుతున్నాయి. చాలామంది ప్రేమను టైంపాస్ వ్యవహారంగానే చూస్తున్నారు. కొందరు ప్రేమలో మోసపోయి తమ జీవితాలను నాశనం చేసుకుంటుంటే మరికొందరు మాత్రం అవతలి వ్యక్తుల జీవితాలను నాశనం చేస్తున్నారు. కేవలం శారీరక, ఆర్థిక అవసరాలు తీర్చుకోవడానికి మాత్రమే ప్రేమ అనే ముసుగు వేసుకుంటున్నారు ఎంతోమంది. మాయ మాటలతో నమ్మించి నట్టేట ముంచేయడం వంటి ఘటనలు ఇటీవల ఎన్నో వెలుగులోకి వస్తున్నాయి. ప్రేమించి వదిలేయడమే కాకుండా పెళ్లి చేసుకుని ఆ తర్వాత కాపురం చేసి, పిల్లలు పుట్టిన తర్వాత కూడా వదిలేస్తున్న వాళ్ళు చాలామంది కనిపిస్తున్నారు.

తాజాగా ఇలాంటి ఘటనే ఒకటి విజయనగరం జిల్లాలో చోటుచేసుకుంది. నర్స్ ని ప్రేమించి పెళ్లి చేసుకున్న ఓ డాక్టర్ బిడ్డ పుట్టిన తర్వాత ముఖం చాటేసాడు. ఈ ఘటన విజయనగరం జిల్లా హరనహళ్ళి తాలూకా హలవాగలు గ్రామంలో చోటు చేసుకుంది. ఎంబిబిఎస్ చదివి క్లినిక్ నడుపుకుంటున్న గిరీష్ అనే యువకుడు తన ఆసుపత్రిలోనే పనిచేస్తున్న నర్సుని ప్రేమించాడు. ఆ డాక్టర్ మాయమాటలు నమ్మిన నర్సు అతడిని పెళ్లి కూడా చేసుకుంది. వీరి పెళ్లి కులవత్తి బసవన్న దేవస్థానంలో జరిగింది. పెళ్లి తర్వాత వీరిద్దరికీ ఓ కూతురు కూడా జన్మించింది.

అలా కొంతకాలం గడిచిన తర్వాత డాక్టర్ తీరులో మార్పు వచ్చింది. ఆ డాక్టర్ తన వక్రబుద్ధిని చూపించాడు. కొంతకాలంగా డాక్టర్ గిరీష్ తన భార్య త్రివేణి కి దూరంగా ఉంటున్నాడు. అంతేకాదు కూతురు పుట్టిన తర్వాత డాక్టర్ నర్సుని వదిలేసి మరో యువతిని పెళ్లి చేసుకున్నాడనే ఆరోపణలు కూడా వినిపిస్తున్నాయి. ఈ క్రమంలో గిరీష్ పూర్తిగా త్రివేణి వద్దకు రావడం మానేశాడు. దీంతో త్రివేణికి ఏం చేయాలో తోచక పోలీసులకి ఫిర్యాదు చేసింది. కేసు నమోదు చేసుకున్న పోలీసులు దర్యాప్తు ప్రారంభించారు.