బాలయ్యబాబు చేసిన ఒక్క పోస్ట్ నందమూరి అభిమానుల మధ్య చిచ్చు పెట్టింది ! ఇంతకీ ఏముంది అందులో ?

ప్రపంచ సినీ యువనికపై తెలుగు సినిమా తన సత్తా చాటింది. ఇంగ్లీష్ గడ్డపై, ఇంగ్లీష్ సినిమాలతో పోటీపడి వాటిని వెనక్కి నెట్టి మరీ ప్రతిష్టాత్మక పురస్కారం ఆస్కార్ ను గెలుచుకుంది. బెస్ట్ ఒరిజినల్ పాట విభాగంలో ఆర్ఆర్ఆర్ సినిమాలోని నాటు నాటు పాటకు ఆస్కార్ అవార్డు దక్కింది. దీనిపై చిత్రబృందం స్పందిస్తూ హర్షం వ్యక్తం చేసింది. ఈ నేపథ్యంలోనే ‘ఆర్ఆర్ఆర్’ టీమ్ కి బాలకృష్ణ అభినందనలు చెప్పారు. నందమూరి బాలకృష్ణ ప్రతిష్టాత్మక ఆస్కార్ అవార్డుని గెలుపొందిన ‘ఆర్ఆర్ఆర్’ చిత్ర బృందానికి నా హృదయపూర్వక అభినందనలు.

‘ఆర్ఆర్ఆర్’ చిత్రంలోని నాటునాటు పాట బెస్ట్ ఒరిజినల్ సాంగ్ కేటగిరిలో ఉత్తమ పాటగా ఆస్కార్ అవార్డును సొంతం చేసుకోవడం భారతీయ సినీ చరిత్రలో అపూర్వ ఘట్టం. తెలుగుజాతితో పాటు దేశం గర్వించదగిన విజయమిది. స్వరకర్త కీరవాణి గారికి, గీతా రచయిత చంద్రబోస్ గారికి, దర్శకుడు రాజమౌళి గారికి, నృత్య దర్శకుడు ప్రేమ్ రక్షిత్ గారికి, గాయకులు రాహుల్ సిప్లిగంజ్ గారికి మరియు కాలభైరవ గారికి ‘ఆర్ఆర్ఆర్’ చిత్రబృందానికి శుభాకాంక్షలు.

అలాగే డాక్యుమెంటరీ షార్ట్ ఫిలిం కేటగిరీలో ఆస్కార్ అవార్డుని సొంతం చేసుకున్న భారతీయ చిత్రం ‘ది ఎలిఫెంట్ విస్పరర్స్’ చిత్ర బృందానికి నా అభినందనలు అంటూ నందమూరి బాలకృష్ణ ట్వీట్ చేశారు. అయితే ఈ ట్వీట్ పై నెటిజన్లు నెగిటివ్ కామెంట్లు పెడుతున్నారు. ఈ ఆర్ఆర్ఆర్ సినిమాలో హీరోల పేర్లు చెప్పకుండా, అందరూ శుభాకాంక్షలు చెప్పడం ఏంటని ఫైర్ అవుతున్నారు. ఎన్టీఆర్ కు, బాలయ్యకు గ్యాప్ ఉండడం వల్లే హీరోల పేర్లు ప్రస్తావించలేదా అని నిలదీస్తున్నారు ఫ్యాన్స్.