దర్శకుడు లోకేష్ కనగరాజ్ సినిమాలలోని ఈ కామన్ పాయింట్ ని గమనించారా..?

ఎప్పుడొచ్చామన్నది కాదన్నయ్య బుల్లెట్ దిగిందా లేదా అంటున్నాడు దర్శకుడు లోకేష్ కనగరాజ్. ఇప్పుడు తెలుగు, తమిళ్ ఇండస్ట్రీలో అందరి చూపు లోకేష్ కనకరాజ్ పైనే ఉంది. కేవలం నాలుగు సినిమాలతోనే తన దర్శకత్వ ప్రతిభను చూపించిన ఈ యంగ్ డైరెక్టర్ ఇప్పుడు హాట్ టాపిక్ ఆఫ్ ది ఇండస్ట్రీగా మారాడు. దక్షిణాదిలో రాజమౌళి, ప్రశాంత్ నీల్, సుకుమార్ లాంటి దిగ్గజాలు ఎంతో పేరు తెచ్చుకున్న, అందరి చూపు మాత్రం ఇప్పుడు దర్శకుడు లోకేష్ కనగరాజ్ మీదే ఉంది. ఖైదీ సినిమాతో స్టార్ డైరెక్టర్ల లిస్టులో జాయిన్ అయిన లోకేష్.. గ్యాప్ లేకుండా షూటింగ్స్ మొదలు పెడుతూ సక్సెస్ లు కొడుతూ తమిళ్ స్టార్ డైరెక్టర్లకు నిద్ర లేకుండా చేస్తున్నాడు.

మొదట 2017లో లోకేష్ దర్శకత్వంలో తెరకెక్కిన నగరం మూవీని తెలుగులో డబ్ చేశారు. ఈ చిత్రంలో సందీప్ కిషన్, రెజీనా హీరో, హీరోయిన్లుగా నటించారు. ఈ సినిమా యావరేజ్ టాక్ ని సొంతం చేసుకుంది. ఇక కార్తీతో రెండవ సినిమా ఖైదీ భారీ విజయాన్ని నమోదు చేశాడు. అనంతరం విజయ్ దళపతి తో సినిమా చేసే లక్కీ ఛాన్స్ పట్టేశాడు. భారీ అంచనాల నడుమ ప్రేక్షకుల ముందుకి వచ్చిన మాస్టర్ చిత్రం డిజాస్టర్ గా నిలిచింది. అయితే దీంతో నిరాశ చెందకుండా వెంటనే కమల్ హాసన్ హీరోగా విక్రమ్ సినిమాతో ప్రేక్షకుల ముందుకి వచ్చాడు. సైలెంట్ గా ఎలాంటి హడావిడి లేకుండా విడుదలైన ఈ చిత్రం బ్లాక్ బాస్టర్ టాక్ తో ఘనవిజయాన్ని అందుకుంది. దీంతో ఇప్పుడు ఎక్కడ చూసినా డైరెక్టర్ లోకేష్ కనగరాజ్ గురించే వినిపిస్తుంది.

అయితే లోకేష్ సినిమాలలో కామన్ గా ఒక పాయింట్ కనిపిస్తుంది. ఆ కామన్ పాయింట్ ఏంటంటే..? ఇతను దర్శకత్వం చేసిన ఒక్క మాస్టర్ సినిమా మినహా మిగతా మూడు సినిమాలు నైట్ మోడ్ లోనే ఉన్నాయి. ఈ మూడు చిత్రాలు కూడా బ్లాక్ బస్టర్ హిట్స్ గా నిలిచాయి. ప్రస్తుతం లోకేష్ కనగరాజ్ దళపతి విజయ్ తో మరోసారి చేతులు కలిపాడు. “లియో.. బ్లడీ స్వీట్” అంటూ ఇంటెన్సీ యాక్షన్ మూవీ తో రానున్నాడు. ఈ చిత్రాన్ని విక్రమ్ కన్నా పెద్ద రేంజ్ లో తీయాలని లోకేష్ అనుకుంటున్నట్లుగా తెలుస్తోంది. ఇది కూడా గూడచారి నేపథ్యంలో ఉంటుందని తెలిసింది. మరి తెలుగులో ఏ స్టార్ హీరోతో ఎలాంటి సినిమాలు తీస్తాడో చూడాలి.

Related posts:

About anji