“జానకి వెడ్స్ శ్రీరామ్” హీరోకి ఏమైంది.. మరి ఇలా మారిపోయాడేంటి..?

ఇండస్ట్రీలో కొంత మంది నటీనటులు ఏదో ఒక సినిమాతోనే చాలా గుర్తింపు సంపాదించు కుంటారు.. ఆ తర్వాత ఎందుకో ఏమో వారి ప్రాబల్యం అనేది ఇండస్ట్రీలో కనబడకుండా పోతుంది..

అలాంటి హీరోల్లో దేవుడు వరమందిస్తే అనే పాట సూపర్ హిట్ గా నిలిచి, ఇండస్ట్రీలో మంచి పేరు సంపాదించుకున్న హీరో రోహిత్. ఇప్పటికి ఆ పాటను వింటే చాలామందికి ఓ రకమైన ఫీలింగ్ వస్తుంది.

ఆ తర్వాత ఈయన “జానకి వెడ్స్ శ్రీరామ్” సినిమాలో నటించి తెలుగు రాష్ట్రాల్లో మరికొంత మంది అభిమానులు సంపాదించుకున్నారు.. ఈ మూవీసే కాకుండా శంకర్ దాదా ఎంబిబిఎస్,సీతామాలక్ష్మి వంటి సినిమాల్లో కూడా ఈయన చేశారు. దీని తర్వాత ఆకాష్,తరుణ్ హీరోగా నటించిన నవ వసంతం మూవీ లో కూడా హీరోగా నటించారు రోహిత్. ఇక అప్పటి నుంచి మళ్లీ ఆయన ఏ సినిమాలో కనిపించలేదు. 2013లో హాట్ బాయ్ అనే మూవీ లో కనిపించారు. ఆ తర్వాత మధ్యలో కొన్ని చిత్రాల్లో నటించినా అవి అంతగా ఆశించిన ఫలితాన్ని ఇవ్వలేదు. మరి అలాంటి రోహిత్ ఇప్పుడు ఏం చేస్తున్నారు? ఎలా ఉన్నారు? అనేది చాలా మందికి తెలియదు..

also read: శ్రీమహావిష్ణువు ఆ 3 అడుగులు కోరడం వెనుక ఆంతర్యమేమిటో మీకు తెలుసా..?

మరి ఇప్పుడు ఆయన ఎలా ఉన్నారో చూద్దాం.. తాజాగా రోహిత్ హీరోగా నటించిన కళాకార్ అనే మూవీ ఫస్ట్ లుక్ పోస్టర్ విడుదలయింది. ప్రస్తుతం అది సోషల్ మీడియాలో వైరల్ గా మారింది. ఈ పోస్టర్ ని హీరో శ్రీకాంత్ విడుదల చేశారు. ఇందులో రోహిత్ చాలా డిఫరెంట్ గా కనీసం గుర్తుపట్టలేని స్థితిలో ఉన్నారు.. ఇది చూసిన వాళ్ళంతా అసలు ఆయన రోహితేనా అనే అనుమానం వచ్చేలా కనబడుతున్నారు. ప్రస్తుతం దీనికి సంబంధించిన ఫోటోలు సోషల్ మీడియాలో వైరల్ గా మారాయి.

also read:రహదారులపై ఉన్న చెట్లకి తెలుపు, ఎరుపు రంగు ఎందుకు వేస్తారు ?