Advertisement
బాణాలు వేయడం అనేది ఇప్పుడు కేవలం ఓ ఆటల పోటీగానే మిగిలింది కానీ.. ఒకప్పుడు శత్రు పోరాట యోధులను వేటాడేందుకు లేదా దాడి చేయడానికి విల్లు మరియు బాణాన్ని ఉపయోగించేవారు. ఇప్పుడంటే యుద్ధాలు చేయడానికి తుపాకీలు, బాంబులను ఉపయోగిస్తున్నారు. అయితే.. విలువిద్యని అభ్యసించే వారు.. పోటీలలో పాల్గొనే వారు కూడా ఇప్పుడు చాలా మందే ఉన్నారు. అయితే.. మీరెప్పుడైనా గమనించారా? బాణాల వెనుక ఈకలు కనిపిస్తూ ఉంటాయి. ఈ ఈకలు ఎందుకు ఉంటాయి అని మీకెప్పుడైనా డౌట్ వచ్చిందా? ఈ ఈకలు ఉండడం వెనుక కారణం ఏంటో ఇప్పుడే తెలుసుకోండి.
Advertisement
ఇప్పుడు ఆర్చరీ పోటీల కోసమో.. నేర్చుకునే వారి కోసమో కూడా ఆధునిక బాణాలు తయారు చేయబడుతున్నాయి. ఈ బాణాలకు ఎందుకు ఈకలు ఉంటాయి? అన్న అనుమానం మాత్రం చాలా మందికి వస్తూనే ఉంటుంది. పురావస్తు శాస్త్రవేత్తలు మరియు మానవ శాస్త్రజ్ఞుల యొక్క ఉత్తమ అంచనాలు సుమారు 70,000 సంవత్సరాల క్రితం నుంచే ఈ విల్లు, బాణాలు ఉండేవని చెబుతున్నారు. కలప మరియు పురిబెట్టు/తీగ వంటి పదార్ధాలతో పురాతన కాలంలో ఈ బాణాలను తయారు చేసేవారట. వీటిని ప్రధానంగా వేట కోసమే ఉపయోగించేవారట.
Advertisement
బాణానికి చివరివైపు ఉండే భాగాన్ని ఫ్లెచింగ్ అని పిలుస్తారు. ఈ భాగంలోనే ఈకలు ఉంటాయి. గాలి పరిస్థితులు మరియు షాట్ యొక్క సూటితనంపై ఆధారపడి, అలాగే ఆర్చర్ ప్రయోగించే బలాన్ని బట్టి బాణంపై అనేక శక్తులు పని చేస్తాయి. దీని వలన అది దారి తప్పుతుంది లేదా దొర్లి పడిపోయే అవకాశం ఉంటుంది. అలా జరగకుండా.. వేగంగా బాణం తన లక్ష్యాన్ని చేరు కోవడం కోసం ఫ్లెచింగ్ ఉపయోగపడుతుంది. ఫ్లెచింగ్ చిన్న మొత్తంలో డ్రాగ్‌ను ఉత్పత్తి చేస్తుంది, ఇది బాణాన్ని కొద్దిగా నెమ్మదిస్తుంది. అలాగే, లక్ష్యాన్ని చేరుకునేలా చేస్తుంది. అందుకే ఈ భాగంలో ఈకలు ఉంటాయి. బాణం యొక్క పొడవు, ఎత్తు మరియు ఆకారం, విల్లు రకాన్ని బట్టి కూడా ఈ ఈకల రకాలు మారుతూ ఉండవచ్చు.
Read More:
విజయ్ కాంత్, ప్రేమలత ల లవ్ స్టోరీ తెలుసా..? ఇద్దరూ ఎలా ఒకటయ్యారంటే..?
