Jayam Movie Child Artist: జయం సినిమాలో నటించిన ఈ చైల్డ్ ఆర్టిస్ట్ ఇప్పుడు ఎలాఉందో చూస్తే ఆశ్చర్యపోతారు..!!

తేజ దర్శకత్వంలో నితిన్ హీరోగా, సదా హీరోయిన్ గా, గోపీచంద్ ప్రధాన పాత్రలో 2002లో విడుదలైన జయం సినిమా మీకు అందరికీ గుర్తుండే ఉంటుంది. ఈ చిత్రం నితిన్, సదా ని ఇండస్ట్రీలో నిలదొక్కుకునేలా చేసింది. అయితే ఈ సినిమాలో వీరిద్దరితోపాటు ఓ చైల్డ్ ఆర్టిస్ట్ కూడా ఫేమస్ అయింది. ఆమే ఈ చిత్రంలో హీరోయిన్ సదా చెల్లి పాత్రలో కనిపించిన యామిని. అక్షరాలను తిప్పి రాసే హీరోయిన్ చెల్లెలి పాత్రను ప్రేక్షకులు ఇప్పటికీ మర్చిపోలేరు. తన నటనతో నంది అవార్డును గెలుచుకుంది యామిని. ఈ చిత్రం తర్వాత ఆమెకి చాలా సినిమాలలో అవకాశాలు వచ్చినప్పటికీ పై చదువుల కోసం విదేశాలకు వెళ్లినట్లు తెలుస్తోంది.

Read also: అసిస్టెంట్ డైరెక్టర్ నుండి హీరోలుగా ఎదిగిన టాలెంటెడ్ హీరోలు వీరే..!!

అయితే ఈ సినిమా విడుదల ఇప్పటికి 20 ఏళ్లు పూర్తయింది. ఈ సందర్భంగా ప్రస్తుతం యామిని ఎక్కడ ఉంది? ఏం చేస్తుంది? అనేది తెలుసుకుందాం. సీరియల్ ఆర్టిస్ట్ జయలక్ష్మి కూతురే జయం చైల్డ్ ఆర్టిస్ట్ యామిని శ్వేత. అయితే ఈమె చైల్డ్ ఆర్టిస్ట్ గా మాత్రమే స్క్రీన్ పై కనిపించాలని తల్లిదండ్రులు భావించారట. దాంతో ఆమె చిన్నతనంలోనే పలు సినిమాలలో నటించి మంచి గుర్తింపుని తెచ్చుకుంది. ఆ తర్వాత పెద్దయ్యాక మాత్రం హీరోయిన్ కాలేకపోయింది. జయం సినిమా కంటే ముందే దాదాపు 10 సీరియల్స్ లో నటించింది యామిని. సీతామాలక్ష్మి సీరియల్ చేస్తున్న సమయంలో జయం ఆడిషన్స్ కోసం ప్రకటన వచ్చింది. అది చూసిన ఆమె తండ్రి యామిని ఫోటోలను డైరెక్టర్ కి పంపించారట.

అలా హీరోయిన్ చెల్లెలిగా జయం సినిమాలో నటించింది యామిని. ఇక ఆమె పెద్దయ్యాక నచ్చావులే, టెన్త్ క్లాస్ వంటి సినిమాలలో అవకాశాలు వచ్చినప్పటికీ ఆమె చదువు దృశ్య ఆమె తల్లిదండ్రులు ఒప్పుకోలేదట. ఈ విషయాన్ని ఆమె తల్లి జయలక్ష్మి స్వయంగా తెలిపారు. ఈమె విదేశాలలో మాస్టర్స్ చేసి అక్కడే ఉద్యోగం చేసింది. ఇక పెళ్లి చేసుకుని అక్కడే స్థిరపడిన ఈమెకు ఓ కూతురు కూడా జన్మించింది. చైల్డ్ ఆర్టిస్ట్ గా సినిమాల్లో రాణించిన శ్వేత మళ్లీ సినిమాలలోకి రీఎంట్రీ ఇస్తే బాగుంటుందంటున్నారు అభిమానులు. ప్రస్తుతం యామినికి సంబంధించిన జయం సినిమా ఫొటోలతో పాటు ఆమె సోషల్ మీడియాలో షేర్ చేసిన ఫోటోలు వైరల్ గా మారాయి.

Read also: వైరల్ గా బాలకృష్ణ పెళ్లి శుభలేఖ