శివా చిత్రంలో జేడీ పాత్రలో ముందు ఆ నటుడిని అనుకున్నారా..?

ఇండస్ట్రీలో ఎప్పుడైనా సరే సినిమాలు చేస్తూ సక్సెస్ అవుతూ ఉంటేనే ఆ వ్యక్తికి పేరు గుర్తింపు ఉంటుంది. ఒకవేళ సినిమాలు లేకపోతే మాత్రం జనాలు మర్చిపోతారు.. కానీ ప్రస్తుతం తెలుగు ఇండస్ట్రీలో ఉన్న ఈ డైరెక్టర్ ను సినిమాలు చేయకపోయినా కానీ జనాలు ఎంతో గుర్తు పెట్టుకుంటారు.. ఇంతకీ ఆ డైరెక్టర్ ఎవరయ్యా అంటే రాంగోపాల్ వర్మ.. రాంగోపాల్ వర్మ దర్శకత్వంలో వచ్చిన మొదటి సినిమా శివ.. ఈ మూవీ ఎన్ని రికార్డులు క్రియేట్ చేసిందో మనందరికీ తెలుసు. ఈ సినిమాలో రామ్ గోపాల్ వర్మ ఎన్ని జిమ్మిక్కులు చేశాడో మీరంతా చూసే ఉంటారు.

ఈ చిత్రంలో హీరో నాగార్జున అయినప్పటికీ నాగార్జునతో సమానంగా పేరు తెచ్చుకున్న నటుడు జె.డి చక్రవర్తి అని చెప్పవచ్చు. ఆయన ఎంత ఫేమస్ అయ్యారంటే చక్రవర్తిగా ఉన్న ఆయన పేరు జె.డి చక్రవర్తిగా మారిపోయింది. అయితే ఈ చిత్రానికి ముందుగా చక్రవర్తిని అనుకోలేదట.. రాంగోపాల్ వర్మ ఈ సినిమాలో నెగిటివ్ స్టేట్స్ క్యారెక్టర్ కోసం వెతుకుతున్నారు. అదే టైంలో సినిమాలో కొన్ని సీన్లని టెస్ట్ షూట్ చేసి ఎవరైనా ఆర్టిస్టు కావాలని చూస్తున్న సమయంలో గుణశేఖర్ తన ఫ్రెండ్ వినోద్ బాలను తీసుకువచ్చారట.

దాంతో టెస్ట్ షూట్ చేసిన వర్మ ఆ షూటింగ్ అయిపోయాక ఈయన బాగా చేస్తున్నాడు సినిమాలో ఇతడు క్యారెక్టర్ ఫైనల్ చేయండని చెప్పాడట. దీంతో వినోద్ చాలా సంతోషపడ్డారు. కానీ నెక్స్ట్ డే చక్రవర్తిని ఓ సందర్భంలో చూసిన రాంగోపాల్ వినోద్ నాగార్జున కంటే హైట్ తక్కువగా ఉన్నారు, అతడి ప్లేసులో చక్రవర్తిని తీసుకుందామని చెప్పడంతో వినోద్ బాలకు అవకాశం వచ్చినట్లే వచ్చి చేజారిపోయింది. దీంతో ఆయన చాలా నిరుత్సాహపడ్డారట. ఆ తర్వాత ఆంధ్ర వాలా, శివమణి లాంటి సినిమాల్లో వినోద్ బాల నటించినప్పటికీ ఆయనకు గుర్తింపు రాలేదు.

Related posts: